شهید ملا نظر محمد (محمد) د خیال محمد زوی د میدان وردګو د سیدآباد ولسوالۍ د تنګي شهید پرورې درې د حسن خېلو د کلي اوسېدوونکی د نظامي قائد (رهبر) تر څنګ د میړانې، اخلاص، صداقت، مینې، وفا او ریښتینولۍ د ګلبڼ یو معطر ګلاب وو.

شهید محمد تقبله الله د تقوا هغه دنګ منار وو چې د امريکايي استعمار په مقابل کې يې د تقوا او اخلاص يو مثال پرېښود، داسې مثال چې خدای جل جلاله خبر بیا به داسې کمالات الله تعالیٰ په خپل کوم نازولي بنده کې پيدا کوي.

د ورځې به د الله جل جلاله پر دُښمنانو د تندر په څېر را کوزېده، په مخ او سترګو کې به یې د بيدارې شپې؛ هغه عجيبې د جمال او جلال نښې وې، چې د الله جل جلاله د اولیاوو په مخونو به څرګندې وې. په زړه کې يې يو درد و، چې همدې درد یې د آرام خوبونه تښتولي وو او په اغزنو لارو يې مزل ته مجبور کړی وو.

الله تعالی جل جلاله دومره جرئت ورکړی وو، چې د هيچا په مقابل کې هم له حق څخه نه تېرېده، په ډېر قاطعيت به يې له حق نه دفاع کوله، ټول کارونه يې په تقوا، تدبیر او اخلاص سره بناء و، ځکه به يې سترې سترې فتحې حاصلولې، لنډه دا چې شهید محمد تقبله الله د اوسنۍ زمانې د تقوا، اخلاص او مېړانې ژوندی مثال وو.

د شهید ملا نظر محمد (محمد) جهادي مسولیتونه!

د سیدآباد ولسوالۍ د نظامي قطعې د مسؤل په حیث یې څو کاله مسؤلیت درلود، د همدې مسؤلیت په دوره کې  یې د داعشي خوارجو د محوې په خاطر څو بېلابېلو ولایتونو ته سفر کړی او خدای تعالیٰ جل جلاله ورته سترې، سترې فتحې نصیب کړې، چې له هغه جملې څخه ننګرهار او زابل ولایتونه دي. د سنګرونو دغه غیرتي څهرې په دې سپېڅلې لار کې ډېرو تکلیفونو، کړاوونو ته خپله سینه سپر ګرځولې وه او دې دوره کې څو ځله ډېر سخت زخمي شو. اشغالګرو ته دومره مطلوب کس وو، چې څو ځله ورباندې هوائي بریدونه هم وشول خدای تعالی جل جلاله او خپلې بیدارۍ ورته نجات ورکړی وو.

خو دې هر څه سره یې بیا هم خپل استقامت د لاسه ورنکړ او په ډېرې زړورتیا سره یې خپلې برحقې داعيې ته ادامه ورکړه.

د شهید ملا نظر محمد (محمد) تقبله الله د داعشي خوارجو (کلاب النار) په خلاف جهادي سفرونه!

محمد تقبله الله د همدې مسؤلیت په دور کې د دوهم ځل لپاره ننګرهار ته سفر وکړ، چې همدا یې د دې ستړي ژوند اخري سفر شو، زیات شمېر داعشي خوارج کلاب النار یې د دوزخ کندې ته ورټېل وهل او دا غیرتي ژڼی(ځوان) په یوه مخامخ تعرضي برید کې په شهادت ورسېد او خپلو آرمانونو ته یې پنا یووړه.

په تګ سره یې ډېر زړونه مات او ډېر ګلان بې ګلبڼه پاتې شول، شهید محمد تقبله الله هغه څهره وه، چې په فراقت سره یې دوست او دُښمن ژړل او اوس یې هم آرمانونه کوي.

تقبله الله تعالی.!

نحسبه کذالک والله حسيبه.

خاطره!

د سپین غر د غرونو په سرونو سپینې واورې خورې وې، منځنۍ برخه یې زیاته بارانونو نیولې وه، لاندينۍ او هوارې برخې یې بیا برابره هوا درلوده، د مني وروستۍ شېبې وې د اچین، هسکې مینې، دې بلا، تورې بوړې، خوګیانو، شیرزادو، هزار ناوو تنګی او نورې د سپین غر لمنې د خوارجو سره په معرکو د بوختو ځوانانو په شتون رنګينې وې، ډوډۍ، وسایل او راحت تر آخرې اندازې لږ وو، مسلسل جنګونه وو، هر ځای به د خونړيو جنګونو آثار لیدل کېدل، حتا اکثرو ځایونو کې به د خوارجو لاشونه هم پراته وو؛ زلميو په خورا جرئت مخته یون( حرکت) کولو، هر قسم تکالیف یې زغمل خو د خوراجو محوه یې ستر آرمان وو، ورو ورو ملګري موخې ته رسېدل، د اچین تر غرونو موخه منحصره شوه، وروستۍ شپې وې، واورې او بارانونو خورا زور نیولی وو، مسلسل به اورېدل؛ يوه شپه ملګري د ونو او بوټو خواوو ته د مورچو په جوړولو مصروف شول، واوره هم اورېده، ملګرو ته د اور لګولو اجازه هم نه وه، ساړه زیات وو، ملګرو ته د یوځای کیناستو اجازه هم نه وه، هرو دوو کسانو به ځانته مورچه جوړوله او هملته به یې سنګر نیولو

برسېره په فضاء کې د دُښمن الوتکه د هوا د خرابتیا له وجهې په زیاته ټيټه ساحه کې ګرځېده، بل طرف ته د خوارجو د تېښتي خبره کېدله او ملګري سړو(یخ) دومره خراب کړي وو چې نوره یې اندازه نه وه، خیر کیسه را لنډوم، ملګرو مورچې جوړې کړې، هره مورچه کې دوه، دوه کسان کېناستل، د ملګرو مشر په مورچو ګرځېدو، یو وخت ورباندې یخ او خوب غلبه وکړه، خپلو د ګروپ دوو ملګرو ته یې ورغلو، ګوري چې په مورچه کې یوه په ځان باندې لنده چیرکي اچولې وه او بل په ځان باندې پلاستیک کش کړی وو او دواړه مورچه کې د یخ له وجهې کاږه واږه پراته دي، نو غږ یې پرې وکړ، چې ستاسو منځ کې لږ ځای راکړئ، زه به لږ در پټ شم، که لږ ګرم شوم، ملګرو ځای ورکړ، خو چې حالات يې ولیدل چې د یوه ملګري چیرکي لنده ده او بل بیا د اوبو ډنډ کې پلاستیک په ځان اچولای، نو بېرته ولاړ شو، خپل لوند څادر یې په سر واچولو او تر سهاره یې همداسې په ګرځېدا د واورې سپینو پرخو ته شپه، د غره په څنډه کې د ونو لاندې تېره کړه…

پوهېږئ دا د صبر، استقامت، غیرت، اطاعت او عاجزۍ نمونه څوک وو، دا زمونږ د زړونو رهبر شهید ملا نظر محمد (محمد) تقبله الله وو.