Ehson Arab
Yarim tun. Begunoh insonlar ayollar, erkaklar, bolalar va keksalar tinch uyquda, saharlik va muborak Ramazon oyining ro‘zasi uchun uyg‘onishga hozirlik ko‘rib yotgan bir paytda, Pokiston rejimi militsiyalari toshdan ham qattiq qalblar bilan uylarga bostirib kirdi. Natijada son-sanoqsiz odamlar shahid qilindi.
Dastlabki tasvirlarda ko‘zga tashlangani jonsiz bolalar jasadlari, diniy kitoblar va muqaddas Qur’on nusxalari bo‘lib, ular Pokiston rejimi samolyotlari bombalari ostida yonib, kulga aylangan edi.
Ammo bu manzaralar begona emas. Chunki islom ummati ikki yildan ziyod vaqtdan beri bunday sahnalarni G‘azoda ko‘rib kelmoqda. U yerda na bolalarga, na ayollarga rahm qilinadi; balki masjidlar, diniy maktablar va musulmonlarning muqaddas kitobi Qur’oni karim ham nishonga olinmoqda.
Ha, Pokiston rejimi ham sionistik rejim izidan borib, aynan o‘sha g‘ayriinsoniy siyosatni tutdi. Bu rejimning ayollar va bolalarni nishonga olishi birinchi marta emas. U ilgari ham turli davrlarda sharmandali va tuban amallarni sodir etgan.
Eng katta farq shundaki, sionistik rejim jinoyatni ochiq yuz bilan amalga oshiradi, Pokiston esa go‘yoki “islomiy davlat” qiyofasida, islomiy shiorlar soyasida kufr dunyosiga xizmat qilib, ularning maqsadlarini ro‘yobga chiqaradi. Shuning uchun bu rejimning bo‘sh va aldamchi shiorlariga aldanmaslik kerak. Chunki aynan shu hukumat G‘azoni va mujohidlar Hamasni qo‘llab-quvvatlash haqida shiorlar aytar ekan, bir vaqtning o‘zida Benjamin Netanyahu bilan yonma-yon o‘tirib, Donald Trumpning “tinchlik rejasi”ni qo‘llab-quvvatlash kelishuvini imzoladi.
Tinchlik niqobi ostidagi bu reja aslida Falastin qarshiligini bostirish va sionistlarga chin xizmat qilishdan iborat bo‘lib, Pokiston rejimini amalda islom ummatiga xiyonat qilganlar safida joylashtirdi. Bundan tashqari, bu rejim bir necha bor Trampni maqtov bilan tilga oldi. Hatto Pokiston bosh vaziri bir necha kun oldin Trampni Janubiy Osiyoning najotkori deb atadi. Holbuki, aynan Tramp Netanyahudan keyin, hatto undan ham ko‘proq darajada, G‘azo xalqiga qarshi genotsidda sherik bo‘lib, milliardlab dollar sarflagan va hanuz Netanyahuning yonida turib, Falastinning bosib olingan hududlarini mustahkamlash va xalqni bostirish yo‘lida qadamlar tashlamoqda.
Islom va islom ummatiga do‘stlik da’vo qilayotgan bu rejim amalda kufr maqsadlarini amalga oshiruvchi vositaga aylangan. G‘azoda sionistik rejim masjid va diniy maktablarni bombardimon qilib, islom ramzlarini yo‘q qilishga urinayotgan bo‘lsa, Pokiston rejimi ham muborak Ramazon tunida Afg‘oniston zaminida uylar va diniy maskanlarga hujum qilib, xuddi o‘sha jinoyatni takrorlamoqda.
Shubhasiz, bu amallar nafaqat zulmdir, balki ilohiy sha’oirlarga ochiq haqoratdir. Bu esa hukmdorlarning qalblari toshdan ham qattiq bo‘lib ketganini, musulmonlar qoni to‘kilishiga nisbatan zarracha rahm-shafqat qolmaganini ko‘rsatadi.
Bu xiyonat faqat Afg‘oniston chegaralari bilan cheklanmaydi. Trampning tinchlik rejasiga qo‘shilish aslida bosib olishni mustahkamlash va Falastin qarshiligini bostirish rejasidir Pokiston rejimini rasman G‘azo bolalarining qotillari yoniga qo‘ydi. Bir tomonda dunyo musulmonlari G‘azo uchun ko‘z yosh to‘kib, yordam chaqirayotgan bo‘lsa, boshqa tomonda bu rejim Falastinga hech qanday foyda keltirmaydigan kelishuvlarni imzolab, Netanyahuga va Trampga o‘z makkor rejalari yo‘lida ko‘mak bermoqda.
Bu ikkiyuzlamachilik va nifoq islom ummatini yanada hushyor torttiradi, toki ular bu manfaatparast hukmdorlarning bo‘sh shiorlariga aldanmasin. Zohiran Qur’on va musulmonlarni himoya qilish da’vosini qilgan hukumat, botinan islom dushmanlari bilan qo‘l biriktirib, musulmon ayol va bolalarini qonga botirmoqda.
Xulosa shuki, G‘azodan Afg‘onistongacha davom etayotgan bu ketma-ket jinoyatlar ochiq xabar beradi: islom dushmanlari xoh sionistlar bo‘lsin, xoh islom libosida ularga xizmat qilayotganlar yagona maqsadda birlashgan. Ularning maqsadi din ramzlarini yo‘q qilish va begunoh insonlarni qatl etishdir.
