Al-Mirsad ma’lumotlariga ko‘ra, Afg‘oniston Islomiy Imorat xavfsizlik kuchlarining kechagi tunda Konar viloyatining Manogi tumanida o‘tkazilgan amaliyotida DAISh xavorij guruhining ikki muhim a’zosi o‘ldirilgan.

Manbalarning al-Mirsadga qo‘shimcha qilishicha, bu amaliyot kechagi tunda Manogi tumanining Shorak hududida amalga oshirilgan bo‘lib, natijada guruhning ikki muhim a’zosi yo‘q qilingan va ulardan ikki dona qurol, o‘qlar, granata va bir necha minalar topilgan.

Manbalar aytishicha, bu ikki shaxsdan biri Pokiston fuqarosi bo‘lib, boshqa vayronkor faoliyatlarda qatnashgan. Joriy yilning Rabi’ al-Soniy oyining boshida Suki tumanining Divagal vodiysida bir ranger avtomobilini ham nishonga olgan edi.

Qo‘shimcha qilinishicha, o‘ldirilgan bu pokistonlik xavorij guruhining muhim a’zolaridan biri va operatsiyalar uchun mas’ul bo‘lgan shaxs bo‘lgan. Uch oy oldin u o‘ldirilgan do‘sti bilan birga Pokistondan Afg‘onistonga kelgan edi.