✍🏻 Mustafo Mujohid
Insoniyatning ibtidosi (Odam alayhissalom) yaratilganidan to shu kungacha, balki qiyomatga qadar, haq va botil o‘rtasidagi jang davom etib kelgan va keladi. Ba’zan botil o‘zining asl qiyofasida maydonga chiqadi, ba’zan esa islomiy libosga o‘ralib, Islomga zarar yetkazadi. Agar tarixni diqqat bilan o‘rgansak, shubhasiz, mana shunday qarama-qarshi fikr va qarashlarga ega kishilar bilan to‘qnash kelamiz va ularning kim ekanini anglab yetamiz.
Ana shunday fitnachilardan biri bo‘lib, “bo‘ri qo‘y po‘stida” paydo bo‘lgan va doimiy ravishda Islomga zarar yetkazib kelayotgan guruh — xavorijlar bo‘lib, bugun ular “DAISh” nomi bilan ma’lum va o‘z yo‘lini davom ettirib kelmoqda. Bugungi DAISh — kechagi xavorijlar, ularning hech bir jihati o‘zgarmagan, xuddi maqolda aytilganidek: «Xamir xamirsimon, faqat to‘n o‘zgargan«.
Aksariyatlaringiz xavorijlarning buzg‘unchi va takfirchi g‘oyalaridan xabardorsizlar, ular DAISh guruhining fikr va qarashlariga uyg‘un va mosdir. Qaysi tomondan ko‘rsak ham, ular o‘zaro hech qanday farqqa ega emaslar. Xavorijlar kim edi? Ular Allohning Rasuli (sollallohu alayhi vasallam)ni adolatsizlikda ayblagan kishilar edi. Xavorijlar kim edi? Ular Xulafoi roshidin (roziyallohu anhum)ni kufrda ayblab, ularni o‘ldirganlar, mol-mulklarini g‘animat o‘ljasi deb hisoblab, o‘zlariga halol deb olib qo‘yganlar. Hazrat Usmon va Hazrat Ali (roziyallohu anhumo)ning o‘ldirilishi bu da’vo uchun dalildir.
Bugungi kunda ham, agar payg‘ambar yoki sahobalar mavjud bo‘lganida, ularni o‘ldiradigan ilk guruh mana shu DAISh bo‘lardi. Xuddi xavorijlar sahobalarga qanday zulm qilgan bo‘lsa, mana shu guruh ham shunday yo‘l tutgan bo‘lardi. Buning isboti — DAISh tarafidan ulamolar, Qur’on hofizlari va boshqa kishilarning o‘ldirilishini ko‘z bilan ko‘rmoqdamiz.
Ular o‘zlaridan boshqa barcha islomiy va jihodiy guruhlarni takfir va fisqda ayblaydilar — o‘zlaridan boshqa hech kimni musulmon deb hisoblamaydilar. Bu guruhning asosiy g‘oyasi Islomning ildizini yo‘q qilishdan iborat, xolos. Ular tashkil topgan kunidan to shu kungacha qilichlarini faqat Islom va musulmonlar taniga urib kelmoqda. Bu gap sizni hayratga solishi mumkin, lekin men sizga shunday deyman: borib Xulafoi roshidinning hayotlarini o‘rganing! Bu ekstremistlarning tarixini o‘rganing va ularning Islom va ummatga qanday zulm qilganini bilib oling!
Bugun Islom yurtlarining har bir burchagida, dunyoning har bir nuqtasida islomiy bir guruh paydo bo‘lsa, uni yo‘q qilish uchun birinchi bo‘lib DAISh harakat qiladi. Bu so‘z haqiqatdan uzoq emas, balki haqiqatning o‘zi. Buning aniq misolini dunyoning turli burchaklarida ko‘rib turibmiz.
