Jalol Ahmad
Ey tarix shon-shuhratlari yurt! Sen mujohidlarning qoni bilan qizargansan; sen iymon izzat va g‘urur yo‘lida jonini fido qilgan qahramonlarning maskanisan. Ammo bugun ustingga shunday qora soya tushganki u o‘zini din nomida ko‘rsatadi holbuki u dinga dushmandir; bu soya «IShID» nomi bilan tanilgan.
IShID takfir tig‘i bilan ummatning qulog‘iga zahar tomizadi; ular muqaddas Islom nomi ostida musulmon birodarning qonini to‘kishni joiz qilib ko‘rsatadilar. Bu guruhlar Qur’onning ruhini ham bilmaydi Muhammad (s.a.v.)ning rahm-shafqat haqiqatidan ham bexabardir; balki faqat xo‘jayinlarining ajandasini amalga oshirish uchun ummatning yosh avlodlarini olovga tashlaydilar.
Ey yosh avlod! Bilki IShID fikr o‘g‘risidir; ular chiroyli shiorlar kiyimida qalblarga sanchiladigan pichoqlarni yashirgan. Ular “jihod” nomi ostida ummat qalblariga nafrat chizig‘ini tortadilar, “xalifalik” bahonasida ummatni bo‘lib tashlash o‘yinini davom ettiradilar.
IShID muhabbat va mehr dushmanidir; ular bolalarni yetim qiladilar onalarni beva qoldiradilar va bolalarning kulgulari o‘rniga yig‘i-qichqiriqlarni yoyadilar. Ular Qur’on oyatlarini adolat rahmat va birodarlik xabarlarini chetga surib qo‘yadilar va faqat urush olovini kattalashtiradilar.
Masala faqat kimningdir uyiga hujum qilish emas; yo‘q! Ular tafakkur qal’alariga hujum qiladilar; yoshlarga xos qalblarni asl qadriyatlardan bo‘shatadilar va o‘rniga takfir va ifrotchilik zaharini soladilar. Ular biladilarki agar fikrlarni asir qilsalar, qo‘llarni ham o‘z tasarruflariga oladilar.
Ey otalar va onalar! Siz farzandlaringiz qalblarining qo‘riqchilarisizlar; agar siz ularni ilm, ma’rifat va diniy basirat nurida tarbiya qilsangiz IShIDning qorong‘iligi hech qachon ularning ongiga soya sololmaydi. Sizning befarqligingiz ularning ovini osonlashtiradi; shuning uchun bolalaringiz qalblarini bu qora guruhning tuzog‘iga tushirishga yo‘l qo‘ymang.
Din IShID tanishtirayotgan narsa emas. Bizning dinimiz rahmat shafqat birodarlik va adolat dini; u bir begunohni o‘ldirishni butun insoniyatni o‘ldirish bilan barobar deb biladi. Lekin IShID aynan shu begunoh qonini to‘kish bilan faxrlanadi va o‘zini iymon najotkori deb ataydi!
IShID ummat tanasiga shunday yaralar soldi-ki uning davosi yillar balki avlodlarni talab qiladi. Ular Iroq, Shom Afg‘oniston va boshqa yurtlarda qon daryolarini oqizdilar. Ammo ularning zolimliklari natijasi faqat musulmonlarning nobud bo‘lishi va dushmanlarning kulishidan iborat bo‘ldi.
Ey yosh avlod, ogoh bo‘l! Chiroyli shiorlarga aldanma. Bilki IShIDning har bir so‘zi fitna xabaridir. Ular jannat eshigini ochmaydi izzat yo‘lini ko‘rsatmaydi; faqat qabriston yo‘lini ochadi bu yo‘l begunohlarning qoni ustiga qurilgandir.
Agar biz bu fitna bilan kurashmoqchi bo‘lsak birgalikda ilm basirat va birlik mash’allarini yoqmog‘imiz lozim. Ota-onalar farzandlariga dinning asl ruhini o‘rgatishlari kerak maktablar basirat markazlariga aylanishi lozim va ulamolar minbarlardan bu qora g‘oyalar qarshisida gapirishlari shart.
IShID doim ummat orasiga darz solishga harakat qiladi, ammo agar biz Qur’onning rahmat xabarini tiriltirsak va haqiqiy birodarlik ahdini saqlasak, ularning zulmati bizning nurimiz qarshisida hech bir o‘rin topolmaydi. Ey ummat! Bilinki IShIDning asl urushi bizning tafakkurlarimiz ustidadir. Ular qalblarimizni shubha qo‘rquv va nafrat bilan to‘ldirmoqchi. Shuning uchun agar qalblarimizni muhabbat birodarlik va haqiqatni himoya qilish jasorati bilan to‘ldirsak ular hech qachon g‘olib bo‘lolmaydilar.
