Yusuf Badriy
1358-yil hijriy shamsiyda, qizil armiya Sevet Ittifoqi barcha insoniy huquq va qonunlarni buzgan holda Afg‘onistonning pok tuprog‘iga bostirib kirdi. Ular bizning diniy, islomiy, madaniy, siyosiy va harbiy qadriyatlarimizni oyoq osti qildilar.
Ular har xil zolimlik va shafqatsiz vahshiyliklarga qo‘l urdilar. Taxminan bir yarim million begunoh afg‘onistonlikni shahid qildilar, ikki million kishini yarador va nogiron qildilar va o‘n milliondan ortiq odamni boshqa davlatlarga hijrat qilishga majbur qildilar. Bu vahshiy bosqinga qarshi ulug‘ diniy ulamolar jihod fatvosini berib, bu tajovuzni diniy va siyosiy jihatdan qoraladilar. Shunday qilib, jamiyatning barcha qatlamlari – qariyalar, yoshlar, erkaklar, ayollar va hatto bolalar ham o‘zlarining diniy va islomiy burchlarini ado etish uchun jihod maydoniga kirdilar. Ular har xil qurbonliklarni qabul qildilar, ko‘plab qiyinchilik va mashaqqatlarga dosh berdilar va oxir-oqibat ushbu muqaddas jihodni jonlari evaziga o‘n yil davomida olib borib, 1368-yil 26-Dalwda ushbu zolimona bosqinni mag‘lubiyatga uchratdilar. Alhamdulillah val-minna!
Bu muborak g‘azot natijasida qizil armiya mag‘lub bo‘lib, 14 450 rus askari o‘ldirildi, 49 983 nafari yarador bo‘ldi va 330 kishi bedarak yo‘qoldi. Ammo ushbu o‘n yillik fojianing asosiy aybdorlari aslida afg‘on bo‘lgan, ammo begonalarga qul bo‘lib xizmat qilgan xoinlar edilar. Ular bosqinchilarning oyoqlari ostiga o‘zlarini tashlab, ularning tanklarida yurtdoshlariga qarshi jang qilish uchun Afg‘oniston tuprog‘iga kirib keldilar. Ulardan eng mashhurlari Babrak Karmal, Hafizulloh Amin, Najib va boshqalar edi. Ular o‘z hokimiyatlarini saqlab qolish uchun qizil armiyaga hamrohlik qildilar va afg‘onlarning ommaviy qirg‘inlarida ishtirok etdilar. O‘z jinoyatlari evaziga Sovet armiyasidan faxriy medallar oldilar va «qahramon» deb tan oldilar. Ushbu bosqin, aslida, Afg‘onistonda to‘rt o‘n yillik davom etadigan inqiroz va beqarorlikning boshlanishiga sabab bo‘ldi. Bu jinoyatning aybdorlarini Xudo ham, afg‘on xalqi ham hech qachon kechirmaydi va tarix uni eng qorong‘i so‘zlar bilan yozib qoldiradi.
Bugungi kunda bizning vazifamiz – mavjud imkoniyatlardan foydalanib, mamlakatni har tomonlama obodonlashtirish va yosh avlodning uyg‘onishiga, ularning to‘g‘ri fikrlashga o‘rganishiga mas’uliyat bilan yondashishdir. 26-Dalwning haqiqiy qahramonlarini yoshlarga tanishtirishimiz va xoinlarning haqiqiy yuzini ochib berishimiz lozim. Shunda ular qahramonlar bilan xoinlarni, tarix yaratuvchilar bilan tarixni bulg‘ovchilarni farqlay oladilar. Bugun bu ishni amalga oshirish uchun eng yaxshi fursatdir.
Ushbu muborak kunning g‘alabasi va sharafi o‘z jonlarini fido qilib, Afg‘onistonni qizil armiya istilosidan ozod qilgan ota-bobolarimizga tegishlidir. Ular mamlakat tarixining oltin sahifalarida qahramon sifatida qayd etilganlar va biz ularga har doim faxrlanamiz. Ularning jihodiy ishlari bugungi va kelajak avlodlar uchun bebaho saboq bo‘lib qoladi. Biz ularning yo‘lidan boramiz, inshaalloh!
