قاري سعید خوستی
د داعش له لورې په اسلامي امارت تنقیدونه او د هغې مستند ځوابونه (علمي څیړنه)
د داعش د میډیایي جنګ په آړه وروسته خبرې کؤو خو داعش په میډیایي برخه کې رسمي او غیررسمي سټوډیوګانې، ویبپاڼې، لري چې د هغې لارې خپل دریځ نورو ته رسوي. زه (لیکوال) یو له هغو کسانو څخه یم چې د داعش میډیا له ډیره وخته تعقیبوم، له هغه وخته چې دوی خلافت نه ؤ اعلان کړی. دابق، وکالة الانباءالحق، اعماق، مؤسسة الفرقان، ترجمان الاساورتي،او……..نور ډیر رسمي او غیررسمي میډیایي منابع لري. د اسلامي امارت په آړه په لومړي سر کې د دواعشو رسمي ویب پاڼې المنبرالاعلامي الجهادي (پلیټ فورم میډیا) د اسلامي امارت د خبرونو مرکو او اعلامیو لپاره یوه ځانګړي کړکۍ درلوده، خو دا هر څه هغه وخت ناڅاپه بدل شول چې کله دوی د اسلامي امارت له بیعت څخه نهیلي شول او دلته د حافظ سعید خان باڼډ بیعت ورډالی کړ. د اسلامي امارت خلاف لومړۍ د داعش غیررسمي منابعو سنګر ونیؤو وروسته یې په ټولنیزه میډیا؛ فیسبوک، ټویټر کې پراخ تبلیغاتي جنګ پیل کړ.
څه موده وړاندې د دواعشو په اصطلاح د فرات ولایت اعلامي مکتب یوه ویډیو نشر کړه چې په اسلامي امارت پکې لاابالي تنقیدونه شوي ؤ، په ټویټر کې د ابوطالوت الخراساني، او طاهرجان، او محب حکیم الله په نومونو حسابونه د دې لپاره جوړ شوي دي؛ تر څو د امارت یو مکروه تصویر وړاندې کړي. دوی تل په بیلابیلو ډولونو خپل تنقیدونه عیاروي. موږ په دې لیکنه کې دې تنقیدونو ته ځواب وایو، موږ د دوی ټول تنقیدونه لومړۍ وار په وار رانقل کؤو.
په هغه ویډیو کې چې د فرات ولایت د اعلامي مکتب لخوا د داعش په رسمي آدرس نشر شوي ده، خبرو کونکی خارجي داسې وایې: آي په خراسان کې زموږ وروڼو: دا فتنې صفونه پاکوي او د دې فتنو په سبب به منافقین څرګندیږي او دوی به خپل کفر په ډاګه کوي( دلته په ویډیويی مقطع کې د جلال اباد مظلوم بندیان ښودل کیږي چې په بمونو الوځول کیږي) دوی به د کفارو او صلیبیانو صف ته ګډیږي او په دې سره به له مؤمنانو څخه جدا کیږي.
نوموړی وړاندې د دې عنوان لاندې چې (د طالبانو د درواغو رسوا کیدل) داسې وایي: موږ چې د ملا عمر د وفات په آړه کوم څه اوریدلي ؤ هغه اوس راته ثابت شول چې نوموړی کلونه پخوا وفات شوی دی. دا هغه مشکل ؤ چې طالبان ورسره له پخوا مخامخ ؤ. د اختر منصور له ټاکل کیدو وروسته هغه چې د ایران دوست دی او د نړیوال کفر سره په نرمۍ شهرت لري، موږ پوه شؤو هغه پیغامونه چې کافرو دولتونو، د ملګرو ملتونه کفري ادارې، امریکا، اروپا، ته لیږل کیږي او هغوی ته پکې ډاډ ورکول کیږي، هغه پیغامونه چې له نړیوال کفر سره په خواخوږۍ ډک دي، هغه پیغامونه چې د الله د دین لوړوالی پکې نشته، ایران ته اسلامي دولت ویل، د حماس او شیعه ؤ په آړه موقف، نورو طاغوتي دولتونو ته اسلامي دولتونه ویل. دالله فضل دی چې په ټولو خبرو موږ پوه شؤو. د ملا عمر په نوم پیغامونه د طاغوت قوتونو لخوا نشریدل. نو موږ ویلی شو چې استخباراتي کړیو (چې هدف یې آی ایس آی ده) د طالبانو د شوری او فیصلو په ارګان کې نفوذ کړی دی، او روافضو او شیعه ؤ په طالبانو کې ریښې غځولي دي او د دوی ټول فرامین د دوی له لورې او د دوی په خوښه صادریږي.
په دې ویډویي کلیپ کې دا خارجي درې ډوله تنقید کوي
۱ ـ ملا عمر وفات شوی ؤ نو طالبانو ولې د هغه د وفات خبر پټ ساتلی ؤ؟
۲ ـ ملا منصور د پورته یاد شویو علتونو په اساس د مشرۍ وړ نه دی.
۳ ـ طالبان د آی ایس آی ایجنټان دي او دوی امریکا او نورو کافرو دولتونو ته استازي لیږلي دي، دوی حماس، شیعه کافر نه بولي، دوی قطر او نور طاغوتي نظامونه مسلمان بولي.
ابوطالوت الخراساني، چې یو مجهول الهویة کس دی په ټولنیزو شبکو کې د امارت په وړاندې پراخ پروپاګند ته ګومارل شوی دی د لاندیني عنوان لاندې داسې وایي:
“تاولي طالبان پرېښودل؟ ”
زموږ قبیله په خوست، پکتیا او پکتیکا کې میشت دي، موږ د طالبانو سره ډیرې قربانۍ ورکړي ځکه موږ فکر کاوه چې دا یو اسلامي خوځښت دی چې د فساد په وړاندې یې قیام کړی دی. هلته چې صلیبیان افغانستان ته راغلل نو دوی یې په وړاندې جهاد پیل کړ موږ هم د دوی سره یو ځای د جهاد په صف کې ودریدو، خو له ۲۰۰۸م کال وروسته مو د دوی په کړنو شکونه پیدا شول. دوی د شریعت او خلافت په قیام کې جدي نه ؤ، دوی غوښتل چې صرف د کابل په عرش کیني خو چې په هره بیه وي.
نوموړی وړاندې د هغه علتونو یادونه کوي چې د ده د پورتني سوال ځواب دی.
(۱) طالبان یو قومي او وطني خوځښت دی چې د پوښتنو څخه جوړ دی او د پوښتون د قدرت لپاره د جهاد په نوم جنګ کوي.
(۲) د طالبانو ډیرۍ غړي فاشیست او متعصب دي او د نورو قومونو لکه تاجک، ازبک، هزاره، مجاهدینو سره دشمني لري.
(۳) له طالبانو سره د عالمي جهاد اصلا سوچ نشته بلکې دا یو قومي تحرک دی چې په کابل واک غوړي.
(۴) طالبان په خلافت او د نړی په ګوټ ګوټ کې د مسلمانانو له قضایاؤ څخه په دفاع باور نه لري.
(۵) طالبان د القاعدې مشرانو ته په دې دوکه ورکوي چې له دوی سره به په عالمي جهاد کې ونډه اخلي.
(۶) طالبان په اسلامي نړۍ کې د فاسدو او مزدورو حکومتونو مشروعیت ته قایل دي.
(۷) طالبان په دیپلوماسۍ او سیاست باوري دي، اګر که له شرعي اصولو سره په ټکر کې وي هم.
(۸) طالبان ملګري ملتونه او اروپایي ټولنه او نورې کفري نړیوالې مؤسسې مستقلې ادارې بولي.
(۹) طالبان د سایکس-بیکو سرحدي تړون ته ژمن دي.
(۱۰) طالبان د خلیج فاسد دولتونه مشروع حکومتونه بولي.
(۱۱) طالبان پاکستان او ایران په راتلونکي کې په اقتصادي او نظامي برخه کې ګډ شریکان بولي.
(۱۲) تیر ۱۴ کاله ټول هغه پیغامونه چې د ملا عمر له آدرسه نشریدل جعلي ؤ او په موږ یې منل لازمي ؤ.
(۱۳) طالبان باور نه لري چې روافض او شیعه مشرکین دي.
(۱۴) طالبان په نړیوالو تړونونو باور لري هغه تړونونه چې د مسلمانانو د کمزورۍ او د کفارو د واکمنۍ سبب ګرځیدلي دي.
(۱۵) طالبان په هغه خلافت باور نه لري چې اسلامي دولت قایم کړی دی.
(۱۶) د طالبانو ځینې مشران د پاکستاني استخباراتو سره تړلي دي.
(۱۷) طالبانو له هغو پاکستاني علماؤ څخه مالي او افرادي ملاتړ تر لاسه کوي چې په پاکستاني پارلمان کې چوکۍ لري.
(۱۸) طالبان په ډیورنډ کرښه باور نه لري خو په نورو پولو باوري دي.
(۱۹) طالبان په افغانستان کې یو پاکستانۍ ریاست قایمول غواړي.
(۲۰) طالبان محمد مرسي ته د خواخوږۍ پیغام لیږلی ؤ، او اخوان المسلمین مسلمان بولي .
(۲۱) طالبان د قطر دولت ورور دولت بولي او هلته یې دفتر جوړ کړی.
(۲۲) طالبانو کافرو دولتونو ته د ډاډ او اطمنان پیغامونه لیږلي دي.
(۲۳) طالبانو څو وارې کافرو دولتونو ته سفرونه کړي او د کفارو په غوڼډو کې یې ګډون کړی دی.
(۲۴) طالبان د پاکستان په ښارونو کې ارام ژوند کوي او په بدل کې پاکستانی دولت کافر نه بولي او په خلاف یې مبارزه جهاد نه بولي.
دواعش په اسلامي امارت نور ډیر تنقیدونه لري خو هغه اصلا ځواب ته اړتیا نه لري ځکه هغه تنقیدونه پخپله د دوی فکري انحراف په ګوته کوي د مثال په ډول؛ موږ به په وروسته لیکنو کې هغه ویډیو درسره شریکه کړو چې ابومحمد التونسي د داعش د حسکة ولایت شرعي او ابومصعب التونسي د دیرالزور شرعي او ابو اسامة العراقي د حسکة ولایت والي په خپل مینځ کې خبرې کوي او دوی طالبان مرتدین بولي ځکه هغوی عبدالحکیم مجاهد ملګرو ملتونو ته د سفیر په توګه لیږلی ؤ او اسامه بن لادن ځکه مرتد ؤ چې د طالبانو د مرتد دولت په ارتداد چپ ؤ العیاذ بالله.
موږ په وروسته لیکنه کې د دې سوالونو علمي څیړنه کؤو.
د خوارجو د تنقیدونه څخه په مجموع کې لاندې ټکي باید ځواب شي.
(الف) اسلامي امارت له ټولو ګاونډیانو سره ښه سلوک غواړي، په داسې حال کې چې ځینې ګاونډیان د مسلمانانو په ربړولو او ځورولو بوخت دي، ولې؟
(با) اسلامي امارت په قطر کې سیاسي دفتر جوړ کړ، ولې؟
(ج) د اسلامي امارت نمایندګان په نړیوالو کنفرانسونو کې برخوال شول او له جنګیدونکو کافرانو سره یې په یوه میز ډودۍ اوخوړله، ولې؟
(د) د اسلامي امارت زیاتره غړي په پاکستان کې آرام ژوند کوي، ولې؟
(هـ) اسلامي امارت له آی ایس آی سره خوږې آړیکې لري، ولې؟
(و) اسلامي امارت ایران اسلامي دولت بولي، له حماس سره خواخوږي ښیي، مرسي مشروع مشر بولي، ولې؟
(ز) اسلامي امارت ټولې کفري نړۍ ته ډاډ ورکوي چې د دوی لپاره خطر نه دی، ولې؟
(ح) اسلامي امارت په پولو باور لري، نړیوال جهاد ته باوري نه دی، ولې؟
نوربیا……… ان شاءالله
