ISHID; Insoniyatga tuhmat qilish!

Junayd Zohid

ISHID ning Ayollar va Bolalar Bilan Muomalasi

Aslida biz yashayotgan dunyo, hushyor insonni bezovta qiladigan va aql egalari o‘yga toldiradigan hodisalarga to‘la. Ba’zan bu hodisalarni tahlil qilganda, ular hech qaysi lug‘atda joy olmaydi va hech qanday fikr ularni tasdiqlamaydi.

Bu orada, mintaqa va dunyodagi bu kabi hodisa va buzuqliklarning sababchisi bo‘lgan guruhlar ham mavjud. Haqiqatda, ISHID ham shunday guruhlardan biridirki, u o‘zining qora fikrlarida juda dahshatli hodisalarni yashirgan va ba’zan ularning rejalarini amalga oshirishi bilan insoniyatni halokat va portlash tomon yetaklaydigan falokatlar yuz beradi.

ISHID Iroq va Suriyaning ayrim hududlarida hokimiyatni qo‘lga kiritgach, shunchalik vahshiylashdiki, jamiyatning eng zaif qatlami bo‘lgan ayollar va bolalarni eng yomon ofatlarga duchor etdi. Ularning ayollar va bolalarga qilgan jinoyatlari hech qanday nazariya va fikrda ijobiy o‘rin topmaydi va topmaydi ham.

ISHID o‘zining hududiy hukmronligi davrida bu qatlamga shunday tajovuz qildiki, boshqa joylarda bunday zulm va jinoyat topilmaydi. Tarix davomida har doim mojaro va urushlar vaqtida eng ko‘p aziyat chekkanlar ayollar va bolalar bo‘lgan. ISHID hukmronligi ostida esa, ayollar eng ayanchli holatga tushib qolgan edi. Ular yaratgan bozorlarda ayollar sotilib, ularning izzat va sharafiga tajovuz qilingan.

ISHID islomiy jihodiy guruhlarga nisbatan ijobiy qarashni yo‘q qilish uchun vujudga kelgan edi. Bu yo‘lda ular o‘z rolini juda yaxshi o‘ynab, dunyo xalqlariga o‘zlarining qanday ayol dushmani va bolalarni qirg‘in qiluvchi ekanliklarini ko‘rsatdi. Ular hukmronlik qilgan hududlarda fikriy erkinlik taqiqlangan edi, shuningdek, jismoniy erkinlik ham ayollar uchun bekor qilingan edi. Hech bir ayol ularga quloq tutgan hududlarda ozod emas edi, ular go‘yo quldek ko‘rilgan edi.

Bu siyosiy zaharlangan qarashlar ayollar va bolalarni shunday bosim ostiga qo‘ydi-ki, zamonaviy tarixda ularning hukmronlik qilgan hududlarida bunday hodisa ko‘rilmagan. Ba’zi hududlarda inson savdosi yoki qullik ommaviylashdi va ayollar qul va kanizak sifatida qaraldi.

Ularning ayollar va bolalar bilan munosabati shunchalik achchiq va zo‘raki ediki, bu ikki qatlam o‘zlarini tirik his qilmas edilar. Agar biz bolalar va ayollar holatini ISHID qarashi va amaliyotida o‘rganmoqchi bo‘lsak, uchta asosiy masalani ajratib ko‘rsatishimiz kerak:

1. Jinsiy qullik;

ISHID nazarida biror hududni egallaganlaridan so‘ng, o‘sha hududdagi ayollar jinsiy qullarga aylantiriladi. Bu qullardan jinsiy ehtiyojlar uchun foydalaniladi va ular uchun bu xuddi asal kabi shirin bo‘ladi. ISHID tafakkurida qullik faol bo‘lib, egallangan hududlar ularga xohlagancha foydalana olish uchun taqdim etilgan.

2. Majburiy nikoh;

ISHID zulmlarining yana biri — ayollarni majburan nikohga olish edi. Agar ayollarni «mol» deb bilish fikri shakllangan bo‘lsa, unda majburiy nikoh hech qanday ijtimoiy qadriyatga ega emas. Agar inson shu darajada tubanlashsa-ki, ayolni mol deb bilsa, u ayolga hech qachon tanlash huquqi bermaydi. ISHID tafakkurida ayollar o‘z hayot yo‘lini tanlashda ixtiyorli emaslar edi.

3. Bolalardan urush uchun foydalanish;

ISHID tarixida yana bir qora dog‘ — bolalardan harbiy maqsadlarda foydalanishdir. Diniy farzlarni bajarishga majbur bo‘lmagan bolalarni ISHID o‘z rejalarida vosita sifatida ishlatdi. Ularning safida ko‘plab bolalar urush uchun tayyorlangan edi. ISHID fikricha, diniy mas’uliyatdan xoli bo‘lgan bolalardan foydalanish joiz edi.

ISHID bu zolimliklar va zulmlarini amalda ko‘rsatib, ayniqsa, bu guruhni noto‘g‘ri ishonch bilan ko‘rgan yoshlarga o‘zining asl sharmandali basharasini ochib berdi. ISHID o‘zining shaytoniy rejalari va qora amallarini dunyoga namoyish etdi va Alloh taolo bu yo‘l bilan haqiqiy, adolatparvar jihodiy guruhlarni ular kabi buzuqlardan ajratdi.

Tarix davomida, har doim, haqiqiy jihod yo‘lini qoraytirish uchun shaytoniy guruhlar paydo bo‘lgan. Lekin Alloh taolo ularning nopok fikr va rejalarini fosh qilib, haq yo‘lni buzg‘unchilardan ajratib qo‘ydi; haqlikni nohaqlikdan, poklikni nopoklikdan ajratib berdi.