Iqbol Hamzah
Pokiston harbiy rejimining qulashiga sabab bo‘lgan asosiy omillardan yana biri rejimning o‘z mas’uliyatlaridan qochishidir. Pokiston generallari o‘zlarining razil rejimini davom ettirish uchun o‘n minglab odamlarni shahid qilgan yoki bedarak yo‘q qilganlar. Ular Pokiston xalqiga har qanday zulm va zo‘ravonlikni ravo ko‘rdilar va aynan shu zulm hamda nojo‘ya amallar Pokiston xalqini qurolli kurash va jihodga undadi.
Bugun esa har kuni aynan shu musulmonlar o‘z haqlarini talab qilish uchun qurolli kurashga qo‘l urayotgan bir paytda, Pokiston generallari xatolarini tan olish o‘rniga aybni qo‘shni davlatlarga yuklamoqdalar va bu mazlumlarning boshqa mamlakatlarning qo‘zg‘atishi bilan Pokiston xavfsizligini izdan chiqarayotganini da’vo qilmoqdalar.
Ammo bu zolimlar hech qachon masalaning tubiga e’tibor bermaydilar: nega bu xalq qurolli kurashga majbur bo‘ldi? Pokiston generallari o‘zlarining zulm va nojo‘ya amallariga mas’uliyatni tan olmasdan, faqatgina bu xalq begona kuchlar tomonidan qo‘zg‘atilgan degan bahona bilan o‘zlarini oqlamoqdalar. Aynan mana shu siyosat Pokiston generallariga halokatli bo‘ronni keltirib chiqaradi.
Biz bu siyosatning yana bir ravshan namunasi sifatida qo‘shnimiz Afg‘onistonni ko‘rganmiz. Afg‘onistonda bosqinchi kuchlarga qarshi qurolli qo‘zg‘olon boshlangan paytda, o‘sha vaqtdagi Afg‘oniston Respublikasi aynan shu da’voni ilgari surar edi va xalqga: Bizga qarshi qurollanganlar Pokistondan kelishgan deb aytar edi. Shu bahona bilan yigirma yil davomida Pokistonni ayblab keldi.
Bir necha bor Afg‘oniston Respublikasi Pokiston bilan muzokaralar ham o‘tkazib, evaziga Durand chizig‘i bo‘ylab simto‘siq o‘rnatish kabi imtiyozlar va boshqa ko‘plab imkoniyatlarni Pokistonga berdi. Har qanday nojo‘ya ishini esa Pokiston zimmasiga yuklardi. Kimki Afg‘oniston Respublikasining zulmiga qarshi haqqa chaqirsa, uni panjobiy degan tamg‘a bilan badnom qilardi.
Bugun Pokiston harbiy rejimi ham aynan qulagan Afg‘oniston Respublikasidan nusxa olmoqda. Har bir mazlumni qo‘shni davlatlarning yollanmasi deb e’lon qiladi. Xalqning haq-huquqini poymol qiladi, Pokiston xalqini o‘ldiradi, har qanday zulm va fasodni sodir etadi. Ammo kimki haqqa da’vat etsa, uni “begona davlatlar yollanmasi” deb tamg‘alaydi va shu yo‘l bilan ovozini o‘chiradi.
Biz bu muvaffaqiyatsiz va mag‘lub siyosatni o‘z ko‘zimiz bilan ko‘rdikki, u Afg‘oniston Respublikasini qulatdi. Agar Pokiston harbiy rejimi ham ayni siyosatni davom ettirsa, o‘z qurolli muxoliflari bilan kelishuvga erishmasa, ularning qonuniy talablarini qabul qilmasa, ularning huquqlarini tiklamasa va faqat “ularning barchasi yot mamlakatlarning yollanmalari” degan bahona bilan o‘zini oqlasa shubhasiz Pokiston harbiy rejimi ham Afg‘oniston Respublikasi kabi qat’iy qulashga duchor bo‘ladi.
