Aziz
Joriy hafta mamlakatimiz ikki katta xavfsizlik yutug‘iga guvoh bo‘ldi; bu yutuqlar har bir afg‘on faxrlanadigan hamda ularni milliy g‘urur va o‘z hukumatining qudrati ramzi deb biladigan muvaffaqiyatlardir. Birinchi yutuq Badahshonda Juma Xon Fotehning taslim bo‘lishi va Kobulga olib kelinishi bo‘lsa, ikkinchisi o‘zini «qarshilikchi» deb atagan, ammo aslida o‘zboshimcha va bezori shaxs bo‘lgan Hasib Quvvoyi Markazning o‘ldirilishidir.
Har ikki voqea ommaviy axborot vositalarida keng yoritilib, xalq tomonidan olqishlandi. Birinchi voqeada Juma Xon o‘tmishdagi voqealar va Islomiy Amirlikning harbiy siyosatini unutib, Badahshonda, so‘ngra Nesi nomli o‘z hududida isyon va qarshilik da’vosini ko‘tardi. U tashqi ko‘rinishda o‘zini Islomiy Amirlikning tarafdori va unga ergashuvchi qilib ko‘rsatardi. Ammo «Sadoyi Hindukush» ma’lumotlariga ko‘ra, u fitna va buzg‘unchilik guruhlarining ko‘magida Badahshonda xavfsizlikni izdan chiqarish, konlarni talon-toroj qilish va moliyaviy manfaatlarga erishish maqsadida Islomiy Amirlik siyosatiga zid katta rejalarni ko‘zlagan edi.
U o‘z tarafdorlari va hudud aholisining orasida Islomiy Amirlikning har qanday harbiy va razvedka choralariga qarshilik ko‘rsata olishiga ishongan edi. Ammo jasur va e’tiqodli razvedka hamda xavfsizlik kuchlari berilgan buyruqqa muvofiq, uni qisqa muddat ichida aniqlab, barcha tahdidlarga qaramay Kobulga chaqirib keltirdilar. Mavlaviy Zabihulloh Mujohidning aytishicha, u sudga topshirilishi kutilmoqda.
Ikkinchi bosqichda ham, jumladan, respublika rejimining Milliy xavfsizlik idorasi tomonidan qo‘llab-quvvatlangan hamda Kobul ko‘chalaridagi bezori va yovuz shaxslardan biri bo‘lgan Hasib Quvvoyi Markaz Salangda xavfsizlik va razvedka kuchlarining pistirmasiga tushdi va bir qancha tarafdorlari bilan birga o‘ldirildi. Unga qarshi xalq tomonidan ko‘plab shikoyatlar bo‘lgan, biroq respublika rejimi va uning panjshirlik rahbarlari uni o‘z zo‘ravonlik siyosatini davom ettirish uchun saqlab kelgan edilar.
U respublika davrida Kobuldagi barcha politsiya, razvedka va maxsus bo‘linmalar qidirgan ammo unga qarshi turishga qodir bo‘lmagan bezori shaxs edi. Hatto 18-Sunbula, Mas’ud qo‘mondoni o‘ldirilgan kunda ham, u o‘zining bir guruh qurollangan bezorilari bilan qurolli saflarda paydo bo‘lib, Kobulda bezorilik qilardi. Hatto uning Ashraf G‘ani Kobul ma’muriyatining o‘sha paytdagi rahbarining suratini o‘qqa tutib, Kobul shahar hokimligi devoridan pastga tashlayotgani aks etgan videolari ham mavjud. Ammo aynan shu «katta dev» xavfsizlik va razvedka kuchlarining kichik bir mujohidlar guruhi qarshisida tiz cho‘kdi va o‘z qilmishining jazosiga yetdi.
Yuqoridagi ikki misol tahlili asosida aytish mumkinki Afg‘oniston xavfsizlik kuchlari har qachongidan ham kuchliroq bo‘lib bormoqda. Eng muhimi ular endilikda mudofaa holatidan chiqib hujumkor bosqichga o‘tganlar. Ularning salohiyati Afg‘onistonga qarshi qaratilgan yovuz fitnalarni xoh mamlakat ichida xoh undan tashqarida bo‘lsin zamonaviy texnologiyalardan foydalanib o‘z vaqtida bartaraf etish imkonini bermoqda. Buning tasdig‘i sifatida ko‘plab misollarni keltirish mumkin. Ularning eng ko‘zga ko‘ringanlaridan biri Pokiston va qabilaviy hududlardagi fitna buzg‘unchilik guruhlari hamda xorijlarga qarshi muvaffaqiyatli operatsiyalardir.
Afg‘oniston razvedka va xavfsizlik kuchlari nafaqat kurashish uchun zarur qonuniylik va shar’iy ruxsatga ega hamda yuksak iymoniy ruhdan bahramanddirlar balki mintaqa miqyosida zamonaviy harbiy texnologiyalar qurol-aslaha va ta’lim bilan ham ta’minlanganlar. Ular har qanday sinov va murakkab sharoitda vaziyatni nazorat qilish salohiyatiga egadirlar. Eng muhimi ular avvalgidek fidoyilik va shahidlikka tashnadirlar. Bosqinga qarshi jihod davrida ham ana shu ruhiyat ularga hamroh bo‘lgan edi.
Juma Xon va Hasib bilan bog‘liq so‘nggi voqealar ana shu shaytoniy yo‘lning barcha izdoshlari uchun katta saboq va ibrat bo‘lishi kerak. Toki ular hech qachon begonalar fitnasiga uchib afg‘onlarni o‘ldirish va mamlakatni beqarorlashtirishga urinmasinlar. Fitna va buzg‘unchilik guruhlari xorijlar hamda turli nomlar ostida faoliyat yuritayotgan respublika rejimining qochqin amaldorlari bugun barchasi mamlakat tashqarisida yashamoqda. Ularning farzandlari va oilalari osoyishta hayot kechiradi kurashlari esa faqat Facebook va Twitter bilan cheklanib qolgan.
Ular endilikda na kurash uchun qonuniylik va shar’iy asosga, na kurashish ruhiyatiga egadirlar. Ular faqat bechora xalqning jonini o‘z manfaatlari yo‘lida savdo vositasiga aylantirmoqdalar. Shu sababli bunday unsurlar va guruhlar o‘zlarining noto‘g‘ri va vayronkor harakatlaridan voz kechishlari hamda o‘zlarini Afg‘oniston xavfsizlik kuchlarining g‘azabi va ularning halokatli zarbalaridan uzoqda tutishlari lozim.
