Aber Salman
Ummatlar shiorlar, orzular va niyatlar ustiga emas, balki amallar, xatti-harakatlar va insonlarning qarorlariga tayanadi. Har bir qadamingiz, fikringiz va qaroringiz faqat sizning hayotingizga emas, balki butun ummatning kelajagiga ta’sir qiladi. Agar men va siz sustlik qilsak, kelajak avlod farzandlarimiz – aynan shu sustligimizning badalini to‘laydi.
Bugungi davrda Islom ummati fikriy, siyosiy, iqtisodiy va axloqiy sinovlar bilan yuzma-yuz turibdi. Bu o‘zgarishlar faqat tashqaridan emas, balki ichki beparvolik, loqaydlik va mas’uliyatsizlikdan kelib chiqmoqda. Ko‘p yoshlar shunday deydi: “Men kimman? Menga nima aloqasi bor?
aynan mana shu fikrlar ummatlarni halokatga olib boradi.
O‘qimagan, maqsadsiz va fikrsiz avlod inqirozning belgisi. Aksincha, agar bir yigit o‘z ustida ishlasa, tafakkurini nurlantirsa va haq yo‘lida turib harakat qilsa, u tezkor o‘zgarishlarning yo‘lini ochadi. Shu bois aytilgan: Agar bir inson isloh bo‘lsa, bir xonadon isloh bo‘ladi; agar bir xonadon isloh bo‘lsa, bir jamiyat o‘zgaradi.
Agar qadamingiz ilm, taqvo, rostgo‘ylik va ixlos yo‘lida bo‘lsa, bu ummat yo‘qotgan izzatini qaytaradi. Aks holda, aynan shu g‘aflat bizning tariximizni barbod qiladi. Islom tarixi aynan shunday ogoh, iymonli va mas’ul yoshlar qo‘lida yoritilgan Imom Husayn, Salohiddin Ayyubiy va Muhammad ibn Qosim singari zotlar kabi.
Keling, shu haqiqatni tushunaylik: Qadamlarim faqat menga tegishli emas, balki ummatning taqdirini belgilaydi. Agar bugun to‘g‘ri qaror qabul qilsam, ertangi jamiyatim nurli bo‘ladi. Agar bugun g‘aflat bilan ko‘zimni yumsam, ertaga bu ummat buyuk inqiroz bilan yuzlashadi.
Demak, hozir qaror qabul qil! Chunki vaqt hech kimni kutmaydi va tarix doimo amal qilganlarni eslaydi, so‘zbozlarni emas. Agar bugun hatto bitta kichik qadam tashlasang ham, bu o‘zgarishlarning boshlanishi bo‘lishi mumkin. Ammo jim tursang, ertaga hech narsa qilmagan tomoshabinlardan bo‘lib qolasan. Shunday ekan, tur va harakat qil chunki ummatning kelajagi sening qaroringga bog‘liq.
