Xolid Hamzah
Islom – bu barcha hayot sohalarini, siyosat, iqtisodiyot, savdo, axloq, ibodat va madaniyat kabi, qamrab oluvchi muborak din bo‘lib, u muqaddas tavhid e’tiqodidan kelib chiqadi. Bu ilohiy shariat bo‘lib, unda insoniyatning barcha muammolariga yechim mavjud va faqat o‘zi hidoyat va saodat manbai hisoblanadi.
Boshqa davrlarga ham bog‘liq bo‘lgan, ammo yo‘q bo‘lib ketmagan yagona ummat – bu Islom ummatidir. Islom har qanday zamonda jamiyat va insonlarning barcha muammolariga javob bera oladi!
Tarix davomida har gal yiqildik va mag‘lub bo‘ldik, lekin yana yaxshi tiklandik. Yiqilishning achchiqligini va yuksalishning shirinligini yaxshi his qildik, va bu jarayon qiyomatgacha davom etadi.
Rasululloh sallollohu alayhi vasallam Islomning muborak dinini yoyish uchun qo‘llarini yig‘ib ish boshladi. Yolg‘iz o‘zi va Alloh taoloning yordamida da’vat yo‘lida barcha qiyinchiliklarga chidab, matonatli bo‘lib qoldi va natijada, tengsiz Islomiy tizimning poydevorini qo‘ydi.
Payg‘ambar sallollohu alayhi vasallam masjid imomi, mujahidlar qo‘mondoni, sahobalarning muallimi va Alloh taoloning elchisi edi. U Qur’oniy avlodni tarbiyalab, tarix xaritasini qaytadan belgilab, butun dunyoni johillik zulmatidan Islom nuri bilan yoritdi!
Rasululloh sallollohu alayhi vasallamning vafotlaridan so‘ng, Arabiston yarim oroli murtad bo‘ldi. Faqatgina Madina munavvara, Makka mukarrama, Toif va Bahrayn kabi shaharlar o‘z zakotlarini to‘lashni to‘xtatmaganliklari uchun omon qoldi.
Odamlar jamoaviy ravishda Islomdan yuz o‘girishdi, qolgan musulmonlar dini uchun tazyiq va qiynoqlarga duch kelishdi, ba’zilari payg‘ambarlik da’vosini qilishdi, kufr va tog‘ut butun Arabiston yarim orolini qamrab oldi. Hatto ba’zi sahobalar nihoyatda umidsizlikka tushishdi va hozirgi kun bilan solishtirganda ummatning ahvoli bir necha baravar yomon edi.
Ba’zilar hatto Abu Bakr Siddiq raziyallohu anhuga aytishdi: “Ey Rasululloh sallollohu alayhi vasallamning vorisi! Biz barcha arablar bilan jang qila olmaymiz, o‘z uylaringizda o‘tiring, eshiklaringizni yoping va o‘limingizga qadar Alloh taologa ibodat qiling”.
Hech qanday qarshilik ko‘rsatish kuchi qolmagan deb o‘ylangan edi, umidsizlik hamma joyda qanotlarini yoygan edi, bunday holat sabr va bardoshlilikdan tashqarida edi.
Ammo Abu Bakr Siddiq raziyallohu anhu shunday qaror qabul qildiki, tarixni larzaga keltirdi va shunday qichqirdi: agar kimdir bugun uni kuzatib borsa, butun dunyoga hukmronlik qiladi.
Abu Bakr raziyallohu anhu dedi: “Dinga kamchilik bo‘lsinmi, hali Abu Bakr tirik turib?! Yolg‘iz o‘zim jang qilaman, hatto boshim kesilib, ruhim chiqib ketsa ham».
