Muallif: Abu Hajar al-Kurdiy
Qisqacha mazmun:
Masjidul Aqsoga yer yuzidagi eng muqaddas va shu bilan birga eng muhim va bahsli nuqtalardan biri sifatida tarix davomida katta e’tibor berilgan. Ushbu masjid musulmonlar orasida alohida o‘rin tutadi va ularning birinchi qiblasi hamda uchinchi eng muqaddas maskani hisoblanadi.
Islom payg‘ambari ﷺ Isro kechasida ushbu masjidga olib borilgan va insoniyat tarixidagi eng mo‘jizaviy yig‘ilish shu yerda sodir bo‘lgan. Isro voqeasida barcha payg‘ambarlar Masjidul Aqso masjidida Muhammad ﷺga iqtido qilib, uning orqasida namoz o‘qishdi. Islomda Masjidul Aqsoning nomi Masjidul Haram va Masjidun Nabaviy bilan bir qatorda eng fazilatli masjidlar sifatida zikr qilingan. Ushbu maskan ko‘plab payg‘ambarlar va ularning sahobalari dafn etilgan joydir.
Masjidul Aqsoga asosni Dovud payg‘ambar qurib, Sulaymon payg‘ambar uni yakunlagan. Payg‘ambarimiz ﷺ hijratdan keyin o‘n yetti oy davomida ushbu masjidga yuzlanib namoz o‘qigan, va payg‘ambarning me’roji hijratdan oldin aynan shu masjiddan amalga oshirilgan. Ushbu masjidning «Masjidul Aqso» deb nomlanishi uning Masjidul Haromdan uzoqligi sababli bo‘lgan. «Aqso» so‘zi lug‘atda «eng uzoq», «eng oxirgi» degan ma’nolarni anglatadi. Masjidul Aqso esa «eng uzoq masjid» degan ma’noni bildiradi.
Kirish:
60 yildan ziyod vaqtdirki, musulmonlar va Falastin xalqi turli xil musibatlar, qiyinchiliklar va azob-uqubatlarni boshdan kechirmoqda. Minglab odamlar o‘z uylaridan mahrum bo‘lib, qatl etileb, qamoqqa tashlaneb, qiynoqqa solindi, ayollar beva, bolalar esa yetim qoldi. Mol-mulk tortib olindi, uylar va yerlari vayron qilindi. Masjidul Aqso musulmonlarning birinchi qiblasi va uch muqaddas masjidlaridan biri bo‘lsa-da, sionist qonxo‘rlar tomonidan asirga olindi. Lekin sionist qonxo‘rlar hali ham begunohlarning qoniga botgan qo‘llarini tortmadi va talon-tarojdan to‘ymadi. Ular hali ham do‘zax kabi, «yana bormi?» deya zolimona chaqiriqni davom ettirishmoqda.
Boshqa tomondan, Rossiya, Yevropa va G‘arb davlatlari bu jinoyatchilarni to‘liq qo‘llab-quvvatlab, ularga milliardlab yordamlar va eng so‘nggi harbiy texnikalarni to‘xtovsiz yetkazib bermoqda. Haqiqat ko‘zi bilan qarasak, bir necha sionistlarning Islom dunyosining hududini egallashi yahudlar uchun sharaf emas; balki bu musulmonlarning o‘z gunohlari va yomon amallari uchun jazodir. Chunki musulmonlar shunday og‘ir ahvolga tushgan holda Alloh va Uning Rasuli ﷺni unutib, Islom amrlaridan uzoqlashishdi, oxiratni unutib, dunyo chiroqlariga berilishdi. Ularning rahbarlari kofir va g‘arbliklarga ishonch qilib, ularga gadoydek qo‘l cho‘zishdi va Alloh qat’iyan taqiqlagan ixtilof va guruhbozlikni tanlashdi.
Alloh taolo shunday marhamat qiladi:
«[Alloh va Uning Rasuli]ga itoat qiling va o‘zaro tortishmang. Aks holda, zaiflashasiz va kuchingiz ketadi. Sabr qiling, albatta, Alloh sabrlilar bilan birgadir.»
Ochig‘i, yagona yechim – biz Islomga qaytib, gunohlarimizdan chin yurakdan pushaymon bo‘lib, to‘la tavba qilishimizdir. Shuningdek, Islom dushmanlariga taqlid qilish va ularga ishonchni butunlay tark etishimiz, Alloh va Uning Rasuli ﷺga chin yurakdan itoat qilishimiz lozim. Huddi Qudusni qonsiz ozod qilgan ikkinchi xalifa va Rasululloh ﷺning qaynotasi Umar ibn Xattob kabi.
Alloh taolo shunday marhamat qiladi:
«Va sizlar g‘olib bo‘lasiz, agar chinakam mo‘min bo‘lsangizlar.»
Inshaalloh, musulmonlar yo‘qotilgan izzat va birligini qaytarib, ulkan birlikka erishadilar.
Masjidul Aqsoga bo‘lgan e’tibor:
Masjidul Aqso Islomda o‘ta muhim va alohida ahamiyatga ega. Chunki u Baytullohdan keyin yer yuzida qurilgan ikkinchi masjiddir. Alloh Qur’onda buni tasdiqlab shunday marhamat qiladi:
«Darhaqiqat, insonlar uchun qurilgan birinchi uy – muborak va olamlar uchun hidoyat bo‘lgan Maka shahridagi [Baytulloh]dir.»
Hazrat Abu Zar (r.a) Rasululloh ﷺdan rivoyat qiladi: «Ey Allohning Rasuli, yer yuzida dastlab qaysi masjid qurilgan edi?» Rasululloh ﷺ: «Masjidul Haram,» dedilar. «Keyin qaysi biri?» deb so‘radim. «Masjidul Aqso,» dedilar. «Ularning orasida qancha farq bor?» dedim. Rasululloh ﷺ: «Qirq yil,» deb javob berdilar.
Bu rivoyatdan ma’lum bo‘ladi: har ikkala masjid – Masjidul Haram va Masjidul Aqsoni asos solgan shaxs Hazrat Odam (a.s) bo‘lgan. Va keyinchalik, payg‘ambarlar bu masjidlarni qayta qurib, yangilagan.
