Rafiq
Pokiston harbiy rejimi yana jinoyat yo‘lidan bordi va tinch aholi, uy-joylar hamda Afg‘oniston hududlarini nishonga olib, jinoyatlar sodir etdi. Bunday jinoyat va vahshiyliklarni necha bor takrorlaganiga o‘zingiz guvohsiz. Bu jinoyat va vahshiyliklarning sababi nima va uning xarajatlari hamda oqibatlari qanday hisob-kitob qilinadi?
Pokiston harbiy rejimi o‘zining noto‘g‘ri siyosiy, harbiy va iqtisodiy siyosati sababli xalq va siyosiy partiyalar o‘rtasidagi ichki kelishmovchiliklarga duch kelmoqda. Mahalliy va ma’muriy hokimiyat siyosiy partiyalar o‘rtasida bo‘linib, parchalangan. Armiya ichki boshqaruvi ham turli davlatlarning razvedka tashkilotlari maqsad va rejalarining qurboniga aylangan. Shu sababli uning ta’siri, kuchi va alohida hokimiyat markazlari zaiflashgan.
Endilikda mazkur rejim ichki inqiroz va tanazzul oqibatlarini bartaraf etish uchun ichki barqarorlikni ta’minlash maqsadida tashqi omillarni yolg‘on ayblashga majbur bo‘lmoqda. Shu orqali siyosiy va xalq orasidagi ishonchsizlikni ma’lum darajada nazorat qilishga urinmoqda. So‘nggi kunlarda harbiy rejimning go‘yoki Afg‘oniston uchuvchisiz samolyotlar orqali hujumlar uyushtirgani haqidagi yolg‘on da’volarini ko‘rdingiz. Holbuki, Afg‘oniston tomonidan bunday hech qanday harakat amalga oshirilmagan edi.
Ular bu da’voni oldindan rejalashtirgan. Ichki siyosiy partiyalar namoyishlari vaqtida uchuvchisiz samolyotlar orqali hujumlar va mina portlashlarini o‘zlari amalga oshirib, keyin esa javobgarlikni Afg‘oniston zimmasiga yuklashni rejalashtirgan. So‘ng xalq va siyosiy partiyalarga:Bizning bu jinoyatlarni sodir etishimizga haqqimiz bor, degan mazmunda murojaat qilishni ko‘zlagan.
Qizig‘i shundaki!
Aql va tasavvur nuqtayi nazaridan kulgili bo‘lgan bunday siyosatlarni ishlab chiqishadi; go‘yo o‘zlarini juda zukko deb bilishadi va boshqalar ularning bu harakatlari hamda munofiqona siyosatlaridan bexabar, deb o‘ylashadi. Bundan avval ham muvaffaqiyatsiz, buzg‘unchi va fasodchi guruhlarni tashkil etishdi. Maqsad bir tomondan Afg‘onistonni zaif va xavfsizligi buzilgan holga keltirish, ikkinchi tomondan esa dunyo va xalqlarga Afg‘oniston terrorchi guruhlar uyasi ekanini ko‘rsatish edi.
Pokiston harbiy rejimining jinoyatlari ham shu tarzda davom etmoqda: mazlum musulmonlar va Afg‘onistonning tinch aholisini shahid qilmoqda, ularning uylarini portlovchi moddalar bilan vayron qilmoqda va bu harakatlarini o‘zini himoya qilish hamda terrorizmga qarshi kurash, deb atamoqda. Mazkur rejimni bunday harakatlarga undayotgan bir necha omil mavjud:
Ichki tanazzul va siyosiy zaiflik: Bu aynan mazkur rejimni qulash yoqasiga olib kelgan va uni xalqning har qanday qo‘llab-quvvatlashidan mahrum qilgan omildir. Endilikda uning qo‘lida qolgan yagona yo‘l majburlash va zo‘ravonlikdir.
Tashqi kelishuvlar: Mazkur rejim xorijiy davlat bilan harbiy va mudofaa shartnomasini imzolaganidan so‘ng, o‘sha davlat urush va to‘qnashuvga duch kelgan. Pokiston rejimi esa o‘zining mudofaa shartnomasi bo‘yicha olgan majburiyatlarini bajarish o‘rniga, Afg‘oniston va Hindiston bilan to‘qnashuvga kirishib, o‘zi himoya qilish majburiyatini olgan davlat oldidagi majburiyatdan qochishga urinmoqda.
Avval Saudiya Arabistoni bilan shartnoma tuzdi. Taqdir va Parvardigor sinovi bilan Saudiya Arabistoni va Eron o‘rtasida keskinlik yuzaga keldi. Pokiston harbiy rejimi darhol Hindistonga hujum qilib, Saudiya Arabistoniga: Biz Hindiston bilan to‘qnashuvdamiz, degan ishorani berdi.
Endi esa yana Makka mudofaasi nomidan shartnoma tuzdi. Bu ham Parvardigor tomonidan berilgan bir sinov bo‘ldi: Yamandagi hutiylar bosh ko‘tarib, Saudiya Arabistoniga hujum qildi. Bugun esa Pokiston terrorizmga qarshi kurash va «urush» nomi ostida mazlum afg‘onlarning uylari va inshootlarini nishonga oldi. Shu bilan birga, o‘z mamlakatida ham razvedka va fitnaga asoslangan xavfsizlik hodisalarini soatlab davom ettirdi. Maqsad Saudiya Arabistoni oldida aybdor bo‘lib ko‘rinmaslik va ularga o‘zini ichki hamda tashqi urushlarning qurboni sifatida ko‘rsatish edi.
Ikkinchi qadamda esa xalqni bilvosita shunga ishontirishga urinmoqda: go‘yoki Afg‘onistondagi barcha beqarorlik va ichki urushlarning sababchisi Afg‘onistondir.
Ogohlantirish!
Afg‘oniston, uning xalqi va tuprog‘i Pokistonning nifoq va ikkiyuzlamachiligini yashirish hamda undan foydalanish vositasi emas. Bu davlat o‘zini aybdorlik va zaiflikdan qutqarish uchun Afg‘onistondan foydalanib, xohlagan ishini takrorlayverishi mumkin emas.
Bugun Afg‘onistonning o‘z egasi bor. Bugungi kunda mazkur jinoyat va vahshiyliklarga munosib javob qaytarish imkoniyatiga egamiz. Shu bilan birga, buzg‘unchilik va fasodning ildizlarini yo‘q qilish imkoniyatimiz ham mavjud.
Mazkur rejimning muhim inshootlari, harbiy infratuzilmalari, Pokistonning ilg‘or texnika va vositalari hamda muhim fuqarolik infratuzilmalarining koordinatalarini oldindan qo‘lga kiritganmiz. Zarurat tug‘ilsa, ular Afg‘oniston Islom Amirligi havo kuchlari tomonidan kuchli hujumlarga nishon qilinadi.
Ana shunda ular jinoyat va nifoqni takrorlash qanday va qanchalik og‘ir hisob-kitobga olib kelishini tushunib yetadilar.
