Rojab oyining 8-kunida IShID a’zolari turli tillarda posterlar e’lon qildilar, unda hamfikrlariga moliyaviy yordamlarni xavorijiylar tomonidan tayinlangan mas’ullarga topshirishni tavsiya qilishgan edi.
Ushbu posterlar «al-Basoir» nomli noma’lum bir muassasa tomonidan chiqarilgan va keyinchalik IShIDning «Forsan at-Tarjima» guruhi tomonidan fransuz, ingliz va boshqa rasmiy yoki norasmiy reklama tillariga tarjima qilingan.
Posterlar mazmunida aytilishicha, xavorijiylarga yordam berish barcha musulmonlar uchun farzdir, «ammo afsuski, mujohidlar, asirlar, yetimlar va beva ayollar uchun Alloh yo‘lida to‘plangan mablag‘larning katta qismi haqdor bo‘lmagan shaxslarga yetib bormayapti».
IShID posterlarida ogohlantirish berilgan: kimki mablag‘larni yig‘ib, «o‘zbilarmonlik bilan tarqatayotgan bo‘lsa, yaqin orada hisob-kitob qilinadi va zarur choralar ko‘riladi».
Jihod nomidan pul yig‘ib, keyin uni shaxsiy maqsadlarda ishlatish IShIDning moliyaviy mas’ullari orasida keng tarqalgan muammo, ammo hozirgi tahdidlar ushbu korruptsiya IShIDning moliyaviy bo‘limida kuchayib borayotganini ko‘rsatmoqda. 2022-yil mart oyida IShID «Afaq» deb nomlangan, xavfsizlik sohasida faoliyat yurituvchi media muassasa mas’ullari IShID nomidan to‘plangan pullarni shaxsiy maqsadlarda ishlatib, o‘z kompaniyalarini ochib olishganini e’lon qilgan edi.
Iroq, Suriya, Afg‘oniston va boshqa hududlarda IShID og‘ir mag‘lubiyatga uchraganidan so‘ng, bu guruhning moliyaviy muammolari oshib ketdi va bu posterlar muntazam ravishda IShID tomonidan odamlar orasida pul yig‘ish harakatining bir qismidir.
IShID o‘zining kuchli davrida «iqtisodiy tajriba» deb nomlangan bir jarayonni yo‘lga qo‘ygan edi, unga ko‘ra, viloyatlardan musodara qilingan mol-mulkning 25% markaziy xorijiylarga yuborilar, bu mablag‘lar guruhning boshqa bo‘limlari va xarajatlarini qoplash uchun ishlatilardi. Ammo turli hududlardagi mag‘lubiyatlardan keyin bu jarayon muvaffaqiyatsizlikka uchradi va hozirgi kunda DAIShning asosiy moliyaviy manbasi tarafdorlaridan sadaqa yo‘li bilan va musulmonlardan kuch ishlatib yig‘ilgan pullardir.
