Sajid Ahmad
21-asrning birinchi yarmida Amerika 11-sentabr hodisasi bahonasida Afg‘onistonga harbiy hujum boshladi, so‘ngra ommaviy qirg‘in qurollari bor degan da’vo bilan Iroqqa bostirib kirdi. Bu harakatlar Janubiy Osiyo va Yaqin Sharqda o‘lim va hayot urushini alangalantirib yubordi, bu urush hozirgacha davom etmoqda. Bu falokat faqat harbiy kuch ishlatish bilangina cheklanmay, balki boshqa fitnalarni ham keltirib chiqardi va musulmonlarni og‘ir azob va iztirobga duchor qildi.
Iroqda shialar va sunnilar o‘rtasidagi ixtilof nomi ostidagi fitna bunchalik kuchaydi-ki, butun Yaqin Sharqni olov ichiga soldi. Bu fitnani tirik saqlash va yanada alangalantirish uchun (ISHID)»DAISh xalifaligi» nomli yana bir fitna yaratilgan edi. Garchi «xalifalik» nomi qisqa vaqtga musulmon ummatining qalbida bir oz umid uyg‘otgan bo‘lsa-da, lekin ularning noislomiy va g‘ayriinsoniy harakatlari tufayli bu umid tez orada umidsizlikka aylandi.
Bu fitna musulmonlar uchun ayniqsa xavfli bo‘lib ko‘rina boshladi, nega deganda, uning ildizi yahudiy va salibchilarning tarmoqlari bilan bog‘liq ekani oshkor bo‘ldi. Bu bosqinchilarning o‘yini shunda yanada ochiq bo‘lib qoldi, ularning urug‘i pok Afg‘oniston tuprog‘ida ham unib chiqa boshladi. (ISHID)DAISh Xavorij guruhi 2013-yilda Iroqda o‘z borligini e’lon qildi va tez orada turli mamlakatlarda faoliyatini kengaytirdi. Afg‘oniston ichida ham ayrim afg‘onlar ularga bay’at berdi.
Bu guruh Afg‘onistonda paydo bo‘lganidan so‘ng, Afg‘oniston Islomiy Amirati bir muddat ularga qarshi bevosita harakat qilmay, faqat ularni nazorat ostida ushlab turdi. O‘sha vaqtda Amirat rahbari bo‘lgan amirul-mo‘minin shahid Mulla Axtar Muhammad Mansur (rahmatullohi alayh), (ISHID) DAISh rahbarlariga maktub yuborib, ularga Afg‘onistondagi jihodiy holat va o‘ziga xos shart-sharoitlar haqida ogohlantirdi hamda Amiratning pozitsiyasini ularga tushuntirdi.
(ISHID)DAISh qisqa vaqt ichida Afg‘onistonning turli viloyatlariga ta’sir o‘tkaza boshladi va Jalolobod, Kunor hamda boshqa hududlarda fitna qo‘zg‘atdi va Islomiy Amiratga qarshi bosh ko‘tardi. Islomiy Amirat bu sharoitni inobatga olib, ularga qarshi e’tiborini qaratdi va uzoq davom etmagan kurashdan so‘ng bu fitnani bostirdi.
Ularning viloyatlardagi so‘nggi kunlari yaqinlashdi.(ISHID) DAIShning AQSh va avvalgi hukumat, xususan ularning boshida turgan Amrulloh Solih bilan yashirin aloqalari fosh bo‘ldi. Ko‘plab jang maydonlarida, ular so‘nggi istehkomlarini yo‘qotib, Islomiy Amiratning mujohidlari tomonidan qurshab olingan vaqtda, avvalgi rejimning vertolyotlari ularni qutqarish uchun kelar edi va ularni Kobulga olib borishardi. U yerda esa ularga davolanish imkoniyati ham berilar, yashashi uchun joy ham tayyorlanardi.
