Iroq Bosh vaziri bugun, juma kuni, uning kuchlari ISHIDning muhim rahbarlaridan birini harbiy operatsiya chog‘ida yo‘q qilganini e’lon qildi. Muhammad Shia’ as-Sudoniy “X” sahifasida AQSh kuchlari bilan hamkorlikda o‘tkazilgan operatsiyada ISHID a’zosi Abdulloh Maki Muslih ar-Rifaiyning o‘ldirilganini yozdi.
Sudoniy operatsiyaning aynan qayerda o‘tkazilganini oshkor qilmagan bo‘lsa-da, iroqlik ommaviy axborot vositalari o‘z manbalariga asoslanib, Rifaiy Anbar viloyatida yo‘q qilinganini xabar qildi.
Abdulloh Maki Muslih ar-Rifaiy ISHID ichida “Abu Xadicha” nomi bilan mashhur bo‘lib, hozirda tashkilot rahbaridan keyingi ikkinchi shaxs hisoblanardi. U ISHID tarkibidagi ikki muhim bo‘linma – “Komissiya qo‘mitasi” va “Viloyatlar boshqaruvi”ning rahbari sifatida faoliyat yuritgan.
Abu Xadichaning o‘ldirilishi ISHID uchun katta zarba bo‘ldi, chunki tashkilot avvaldan ham rahbarlik inqiroziga duch kelgan edi. Uning yo‘q qilinishi bu muammoni yanada chuqurlashtirishi kutilmoqda.