Adnan Qureshi
Xavorijiylar – ISHIDbu zakqom daraxti paydo bo‘lganidan beri o‘zining beqaror moliyaviy ahvolini ta’minlash uchun turli yo‘llarni tanlab, omon qolish uchun harakat qilib kelmoqda.
Ushbu nafratli guruh soxta xalifaligining avj pallasida musulmon yerlarining neft va gazini sotish orqali o‘zining islomga qarshi urush mashinasini harakatga keltirar edi.
Antik buyumlarni sotish, garovga olish, o‘g‘irlash, zo‘rlik bilan pul undirish, asirlarning a’zolarini sotish va zakot nomi ostida katta miqdorda mablag‘ yig‘ish bu guruhning muammolarining katta qismini hal qilgan.
Ularning botil xalifaligi kundan kunga yemirilgach, gumrohlikka ketgan izdoshlarini moddiy jihatdan ta’minlash uchun dunyo razvedka xizmatlarining eshigini taqillatib, ularga qullik zanjirini bo‘yniga ilishdi.
Shuning uchun ham ular o‘zlarining aksariyat vayronkor operatsiyalarini xo‘jayinlarining manfaatlarini ta’minlashga yo‘naltirib, o‘z tashkilotlarini oyoqda ushlab qolish uchun Islom ummatiga halokatli zarbalar berdi.
So‘nggi kunlarda «Al-Basoir» muassasasi (xavorijiylarga aloqador) nomidan mablag‘ yig‘ish iltimosi aks etgan posterlar e’lon qilinishi bilan, ushbu botil xalifalik tizimining yemirilayotganligini tasdiqlovchi yashirin tafsilotlar ochiq bo‘ldi.
Bu sirlar xavorijiylar tuzilmasida jiddiy moliyaviy muammolar borligini isbotlab, ularning razvedka xizmatlariga qaramligi ham moliyaviy muammolarini hal qila olmaganini ko‘rsatadi.
Ammo bu posterlarda o‘quvchilarning eng ko‘p e’tiborini tortadigan narsa – xavorijiylarning o‘zaro ishonchsizligidir. 8-rajab sanasida chop etilgan posterda ISHID a’zolari o‘z tarafdorlariga moliyaviy yordamni faqat xavorijiylarning rasmiy vakillariga topshirishlari kerakligini tavsiya qilishgan.
Bu posterlarda aytilishicha, xavorijiylarga yordam berish barcha musulmonlar uchun farzdir. «Ammo afsus bilan aytish kerakki, mujohidlar, asirlar, yetimlar va beva ayollar nomi bilan Alloh yo‘lida yig‘ilayotgan pullarning katta qismi haqiqiy muhtojlarga yetib bormaydi.»
Jihod nomi bilan pul yig‘ib, keyin esa uni shaxsiy maqsadlar uchun ishlatish ISHID moliya mas’ullarining umumiy muammolaridan biri bo‘lib kelgan. Lekin hozirgi tahdidlardan kelib chiqib shuni aytish mumkinki, bu korrupsiya yanada kengaymoqda va xavorijiylarning moliyaviy tizimida jiddiy xavf qo‘ng‘irog‘i yangramoqda.
Iroq, Suriya, Afg‘oniston va dunyoning boshqa mintaqalarida og‘ir harbiy mag‘lubiyatlarga uchragan ISHID xavorijiylar hozir jiddiy moliyaviy muammolarga duch kelishmoqda. Aftidan, ularning urush mashinasi yo‘lning oxiriga yetib keldi va inshaAlloh, bu ulkan fitna tez orada o‘chiriladi.
