Jamil
ISHIDning Xuroson bo‘limi – bu faqat Amerika tomonidan Afg‘onistonda xavfsizlikni izdan chiqarish uchun qo‘llab-quvvatlanayotgan loyiha. Bundan tashqari, ISHIDning na aniq siyosati bor va na urush uchun belgilangan yo‘nalish yoki maydoni. Ular har doim dunyoning turli davlatlarida begunoh musulmonlarni o‘ldirgan va qiynoqqa solgan, shuningdek, bu mamlakatlarda Amerika maqsadlariga xizmat qiluvchi vositachi sifatida faoliyat yuritgan.
ISHID hatto Falastinning jabrdiyda musulmonlariga qarshi bayonot berib:
«Biz yahudiylar bilan jang qilishdan oldin, Falastin musulmonlarini o‘ldiramiz, shundan keyin Isroil bilan kurashamiz,» degan. Ular har doim Islomiy amirlikka qarshi turishgan va butun e’tiborini Afg‘onistonda musulmonlarni va islomiy tuzumni zaiflashtirishga qaratgan.
Hozirga qadar internetda shuni ko‘rsatadigan dalillar mavjudki, ISHID Nangerharning Achin tumani va Faryobning Jowzjan tumanida Islomiy amirlik mujohidlari tomonidan siqib chiqarilgach, Amerika tomonidan qo‘llab-quvvatlanadigan respublika hukumatiga taslim bo‘lgan. Ularning rahbarlari jang maydonidan olib chiqilib, xavfsiz hududlarga ko‘chirilgan.
Bugungi kunga kelib, Afg‘onistonning har bir qarichi Islomiy amirlikning nazorati ostida. Shunga qaramay, ISHID Amerika yordamida qo‘shni davlatlarda o‘z markazlarini tashkil qilib, amaliyotlarini olib bormoqda. Ammo jang maydoni sifatida faqat Afg‘onistonni tanlashgan, bu yerda Islom amalda tatbiq etilgan. Biroq, noislomiy tuzumlar hukmron bo‘lgan hududlarga ular hujum qilmagan.
Respublika davrida, Islomiy amirlik ISHIDning Xuroson bo‘limiga qarshi ilmiy kurash olib borgan bir paytda, Tolo News ISHIDhaqida hujjatli film tayyorlab, bu guruhni “Haqqoniy tarmog‘i”ga bog‘lashga harakat qildi va uni Amerika tomonidan qo‘llab-quvvatlanadigan loyiha emasligini isbotlashga urindi. Lekin vaqt o‘tishi bilan bu da’volar muvaffaqiyatsizlikka uchradi.
ISHIDning o‘ziga xos dushmanligi amalda namoyon bo‘ldi. Bir safar ular Ichki ishlar vazirligi masjidida Xalifa Sirajiddinga hujum qilishdi, lekin alhamdulillah, u tirik qoldi, ammo ko‘plab namozxonlar bu hujumda hayotdan ko‘z yumdi. Keyin ular Shahid Said Haji Xalilur-Rahmonga hujum qilib, uning va boshqa insonlarning shahid bo‘lishiga sababchi bo‘lishdi.
Shunday qilib, endi aniq ko‘rinib turibdiki, ISHID – Amerika loyihasi. Amerikaliklar Afg‘onistonda xavfsizlikni buzish uchun ishlab chiqqan dasturini ushbu loyiha orqali amalga oshirmoqchi va barcha saodatlarni baxtsizlikka aylantirishga intilmoqda. Ular Afg‘onistonda yana fitna va inqiroz yaratmoqchi. Ammo Amerika bilishi kerakki, barcha kuchlari va harbiy texnikalariga qaramay, ular o‘z maqsadlariga erisha olishmadi va mag‘lub bo‘lishdi. Agar Alloh taolo biz bilan bo‘lsa, ISHID ham o‘z maqsadlariga erisha olmaydi.
ISHID na Afg‘onistonda ildiz otgan va na u Konar hamda yuqoridagi ikki tumanda paydo bo‘lganda odamlarni xursand qiladigan biror amal qilgan. Yakunda aytish mumkinki, Amerikaning bu urinishlari – “yiqilayotgan odamning chang urishi” bo‘lib, hech qanday natijaga olib kelmaydi.
