Kecha tunda (4 Ramazon | 2 Hut) Pokiston harbiy rejimi Afgʻoniston havo hududini buzib, Paktika va Nangarhor viloyatlarida besh fuqaro obyektini nishonga oldi.
Maʼlumotlarga koʻra, Pokiston samolyotlari Paktika viloyatining Barmal tumanidagi Margha hududida bir diniy madrasani bombardimon qilgan. Natijada madrasa vayron boʻlgan, ammo baxtga qarshi, insoniy talofat kuzatilmagan.
Shuningdek, samolyotlar Urgon tumanining Balisho Jabbar Qalʼa hududida bir uyni bombardimon qilgan, biroq talofat qayd etilmagan.
Kecha tunning eng katta jinoyati Pokiston rejimi armiyasi tomonidan Nangarhor viloyatining Behsood tumanidagi Gardi Kach hududida sodir etildi. Bu yerda samolyotlar Shihobiddin ismli fuqaroning uyini nishonga olgan. Natijada ayollar va bolalar ham boʻlgan oʻn yetti kishi shahid boʻldi va yana bir necha kishi yaralandi.
Pokiston samolyotlari, shuningdek, Xogiyoni tumanining Koz Bihor hududida mujohidlar posti va Gʻani Xel tumanining Gʻani Xel hududida bir uyni bombardimon qilgan. Alhamdulillah, ikki kishining yaralanishidan tashqari boshqa zarar qayd etilmagan.
Ushbu jinoyat va tajovuzdan soʻng, Pokiston Axborot va nashrlar vazirligi bayonot berib, amaliyot aniq razvedka maʼlumotlari asosida va belgilangan nishonlarga qaratilganini daʼvo qildi. Biroq OAVlarda eʼlon qilingan tinch aholi shahid boʻlgani va turar joy binolarining vayronalari aks etgan suratlar ularning daʼvosini fosh va sharmandali qildi.
Afgʻoniston Islomiy Amirligi Mudofaa vazirligi ushbu jinoyat va tajovuzga (uning asl maqsadi magʻlubiyatni yashirish va AQSh eʼtiborini jalb qilish ekani taʼkidlanmoqda) munosabat bildirib, munosib va hisoblangan javob oʻz vaqtida berilishini maʼlum qildi.
Bundan oldin ham Pokiston harbiy rejimi Afgʻoniston havo hududini buzib, goʻyoki xorijiy jangarilar panohgohlarini nishonga olganini daʼvo qilgan edi, ammo har safar bu tajovuz qurbonlari begunoh tinch aholi boʻlib kelgan.
