Pokiston; yangi Haruro!

Abdulbasir Umari

Islomning oltin tarixida ayrim hududlar muayyan guruhlar va fikriy oqimlarning jamlanish markazi bo‘lib kelgan. Ushbu guruhlar aynan shunday maxsus tayanch hududlardan turib Islom va musulmonlarga qarshi faoliyatlarini tashkil etishgan. Global kuchlar bu guruhlardan islomiy davlatlarga qarshi vosita sifatida foydalanib, hududlar xavfsizligini izdan chiqargan va ular orqali o‘zlarining yovuz siyosiy hamda strategik maqsadlariga erishib kelganlar.

Qadimgi xavorijlar Hazrati Ali roziyallohu anhuga qarshi qo‘zg‘olon ko‘targanlarida, u zotni va boshqa ulug‘ sahobalarni kufrda aybladilar, o‘zlari uchun “xalifalik” e’lon qildilar, alohida xalifa tayinladilar va musulmonlarni qatl etishga kirishdilar. Ularning xalifalik da’vosidan maqsad Islomni himoya qilish emas, balki musulmonlarni o‘ldirish va Hazrati Ali roziyallohu anhuning qonuniy hokimiyatini ag‘darish edi. Bugungi xavorijlar ham aynan shu uslub va belgilar bilan taniladi.

Bu barcha harakatlar Haruro deb atalgan muayyan hududdan turib boshqarilgan. Haruro xavorijlarning fikriy, harbiy va tashkiliy markazi bo‘lgan. Shu bois ko‘plab hadislarda xorijiylar Haruriylar nomi bilan ham tilga olinadi. Sahobalar roziyallohu anhum xorijiylarni Haruriylar deb ataganlar, chunki ular Haruroda yashab, buzg‘unchilikni aynan o‘sha yerdan tashkil etishgan.

Xavorijlar Haruriylar deb nomlangan ba’zi hadislar quyidagilardir:

1. Biz Ahvozda Haruriylarga qarshi jang qilayotgan edik…

(Imom Buxoriy, hadis 1211)

2. Bir ayol Oisha roziyallohu anhodan so‘radi: Poklangach, namozimizni qazo qilamizmi?

Oisha roziyallohu anho javob berdilar: Sen Haruriymisan?

(Imom Buxoriy, hadis 321)

3. Abu Salama va Ato ibn Yasar Abu Sa’id Xudriy roziyallohu anhuning huzurlariga kelib, undan Haruriylar haqida so‘radilar…

(Imom Buxoriy, hadis 6931)

Bu hadislar va shunga o‘xshash boshqa rivoyatlar xorijiylarning kimligi Haruro bilan chambarchas bog‘liq bo‘lganini ko‘rsatadi. Ular aynan shu hududdan turib islomiy davlatga qarshi fitna va buzg‘unchiliklarni uyushtirishgan. Xavorijlar islomiy davlat qo‘shinlarini ichki urushlarga tortib, shu orqali kofirlarga amaliy foyda yetkazganlar. Bu haqiqatni Shayxul Islom Ibn Taymiya rahimahulloh quyidagicha aniq bayon qilgan:

«Va ular kofirlarga musulmonlarga qarshi yordam berishda eng oldinda bo‘lganlar.»

(Majmu‘ al-Fatovo, 7/284)

Ya’ni xavorijlar musulmonlarga qarshi kofirlarning eng katta yordamchilari bo‘lgan. Siyosiy atamada bu holat bevosita bo‘lmagan ittifoq (De facto alliance) deb ataladi.

So‘zni cho‘zmasdan aytadigan bo‘lsak, qadimgi xorijiylarning Haruro deb atalgan aniq bir markazi bo‘lgan. Bugungi xavorijlar ham o‘zlarining razil rejalari va maqsadlarini muayyan geografik hududdan turib boshqaradilar. Ko‘plab hisobotlarga ko‘ra, bu hudud Pokistondir. Pokiston harbiy rejimi bu guruhlar bilan moliyaviy, harbiy, razvedka va targ‘ibot sohalarida hamkorlik qilmoqda. Al-Mirsaad ning Pokistonda 11 nafar IShID unsurining yo‘q qilingani haqidagi so‘nggi hisoboti yana bir bor Pokiston IShID xavorijlari uchun boshpana va zamonaviy Haruroga aylanganini isbotlaydi.

Avval ham ko‘plab hisobotlar shuni ko‘rsatganki, mintaqa xavfsizligi aynan shu xorijiylar tomonidan izdan chiqariladi; bu guruhlar musulmonlarga qarshi qo‘llaniladi va Islomning haqiqiy himoyachilari kofirlarning asosiy dushmanligidan chalg‘itilib, ikkilamchi mojarolarga tortib qo‘yiladi.

Xalqaro darajada ham hujumlar Pokistondan rejalashtirilgani va bu mamlakat ushbu guruhlar uchun xavfsiz boshpana bo‘lib qolayotgani haqida xabarlar mavjud.

Ushbu dalillarga asoslanib aytish mumkinki, Pokiston bugungi davrning yangi Harurosidir. Yana shu hududdan, ayniqsa musulmonlar va umuman insoniyat uchun katta xavf paydo bo‘lmoqda. Agar bu xavf o‘z vaqtida bartaraf etilmasa va Hazrati Ali roziyallohu anhuning Haruriylarga nisbatan tutgan qat’iy pozitsiyasiga o‘xshash keskin choralar ko‘rilmasa, uning oqibatlari nihoyatda fojeali bo‘ladi.