Ahmad Shoqib
Hozirgacha biz Xavorij tomonidan sodir etilgan to‘qqizta og‘ir gunohni sanab o‘tdik. Endi ularning boshqa yaramas amallarini davom ettiramiz:
20 – Odamni olovda yoqish:
Insonni olov bilan azoblash katta gunohlardan biri bo‘lib, bu ishning haromligi bir nechta hadislarda bayon qilingan. Payg‘ambarimiz Muhammad sallallohu alayhi vasallam aytganlar:
«لَا يُعَذِّبُ بِالنَّارِ إِلَّا رَبُّ النَّارِ».
(صحیح بخاری، حدیث ۳۰۱۶)
Tarjimasi: «Faqatgina olovning Parvardigori olov bilan azoblaydi.»
Yana bir boshqa hadishda Rasululloh sallallohu alayhi vasallam aytganlar:
«إذا وجدتموهم فاقتلوهم، ولا تحرقوهم، فإنّه لا یعذّب بالنار إلا الله»
Tarjimasi: «Dushmanni topsangiz, ularni o‘ldiring, lekin olovda yoqmanglar, chunki faqat Allohgina olov bilan azoblaydi.»
(Sahih Buxoriy, Kitob al-Jihod was-Siyar)
Bu hadis aniq ko‘rsatadiki, insonni olovda yoqish haromdir, chunki bu faqat Allohga xosdir, bandalarga emas. Biroq, Xavorij o‘zlarining takfirchi fikrlariga asoslanib, asirlarni yoki muxoliflarni olovda yoqish, yoki ularni nihoyatda zo‘ravon uslublar bilan o‘ldirish ishiga qo‘l urganlar. ISHID a’zolari ham xuddi shunday jinoyatlarni sodir etganlar.
21 – Ilm va ulamolarga dushmanlik qilish
Ulamolar – odamlarni ilm nuri bilan hidoyat sari yetaklovchi zotlardir. Alloh taolo Qur’oni Karimda deydi:
«يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ»
(سوره مجادله، آیه ۱۱)
Tarjimasi: «Alloh sizlardan imon keltirganlarni va bilim berilganlarni darajalar bilan yuksaltiradi.»
Yana bir joyda Alloh deydi:
«قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ»
(سوره زمر، آیه ۹)
Tarjimasi: «Ayting: Bilganlar bilan bilmaganlar teng bo‘lurmi?»
Payg‘ambar sallallohu alayhi vasallam aytganlar:
من عادى لي وليا فقد آذنته بالحرب.(بخاری/ ح ۶۵۰۲)
Tarjimasi: «Kim mening do‘stim (waliym)ga dushmanlik qilsa, men unga qarshi urush e’lon qilganman.»
Ulamolar – Allohning dinidagi do‘stlari (avliyolari)dir. Ular bilan dushmanlik qilish, Alloh taolo bilan dushmanlik qilishdir. Ammo Xavorij bu oyatlarga zid ravishda, Islom olamining ulamolarini takfir qilib, ularni kofir deb biladilar.
22 – Ota-onaga itoatsizlik qilish
Ota-onaga itoatsizlik qilish Qur’oni Karimda va Nabaviy hadislarida harom hisoblanadi va bu og‘ir gunohlardandir. Alloh taolo deydi:
«وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا»
(سوره اسراء، آیه ۲۳)
Tarjimasi: «Parvardigoring faqat Unga ibodat qilishingizni va ota-onaga yaxshilik qilishingizni buyurgan.»
Rasululloh sallallohu alayhi vasallam aytganlar:
«ألا أنبئكم بأكبر الكبائر؟ الإشراك بالله، وعقوق الوالدين»
(صحیح بخاری، حدیث ۵۹۷۶)
Tarjimasi: «Sizlarga eng katta gunohlar nima ekanini aytib beraymi? (Ular quyidagilar:) Allohga shirk keltirish va ota-onaga itoatsizlik qilish.»
