Bhand Ayman
Xavorijlar hijriy 65-yilda Iroqning Basra shahri atrofida davlat tuzdilar, uning rahbari Nafiy ibn Al-Azraq edi.
Bu vaqtda Iroq bilan birga ko‘plab hududlar, masalan; Hijoz va Xuroson Abdulloh ibn Zubayr raziyallohu anhuning hukmronligi ostida edi va u Muhallab ibn Abi Sufrani rahimahullohni Xuroson hokimi qilib tayinlagan edi.
Muhallab ibn Abi Sufra kuchli lashkarboshi bo‘lib, jangovar mahoratga ega edi. Shuning uchun u Basra shahriga yetib kelganida, Basra aholisi undan xavorijlarni to‘xtatib, ularning tuzgan davlatini yo‘q qilishni so‘radilar.
Lekin Muhallab rahimahulloh: «Amirul mo‘mininning farmoniga bo‘ysunmaslikni xohlamayman, Xurosonga borishim kerak», – dedi.
Basra aholisi xavorijlarning buzg‘unchiligi va jinoyatlaridan juda xavotirda edilar, shuning uchun hokimlari Horis ibn Abdulloh ibn Abu Rabi’a raziyallohu anhu bilan maslahatlashib, Abdulloh ibn Zubayr raziyallohu anhuga nomadan xat yozdilar, unda Muhallab rahimahullohning Xurosonga emas, Basraga borib xavorijlarni to‘xtatishi so‘ralgan edi.
Muhallab rahimahulloh Basra aholisiga: «Sizlar mendan xavorijlarga qarshi to‘liq moliyaviy va harbiy yordam ko‘rsatinglar, shunda xavorijlar qattiq mag‘lubiyatga uchraydi», – dedi. Xalq uning talabini qabul qildi va unga misli ko‘rilmagan ko‘p imkoniyatlarni tayyorlab berdilar.
Har ikki guruh Dusal Vasal deb nomlangan maydonda jangga tayyor bo‘ldi va har ikki guruh soni qariyb o‘ttiz ming kishidan iborat edi.
