Suriya inson huquqlari idorasi yaqinda e’lon qilgan hisobotda DAIŞ a’zolari bir muddat avval cho‘ponlardan o‘g‘irlangan qo‘ylarni mahalliy militsiyaga sotganini bildirgan.
Hisobotda aytilishicha, ba’zi chorvadorlar bozorda o‘g‘irlangan qo‘ylarini tanib qolishgan, ular DAIŞ tomonidan cho‘ponlariga hujum qilingandan keyin Raqa cho‘llarida o‘g‘irlangan edi.
Chorva egalari ta’kidlashlaricha, ular masalani kuzatib borishganidan keyin DAIŞ o‘g‘irlangan qo‘ylarni dastlab «difaa’ ul-vataniy» deb atalgan mahalliy militsiyaga sotgani va u orqali boshqa savdogarlarga sotilgani ma’lum bo‘lgan.
Suriya inson huquqlari kuzatuvchilari o‘tgan oy DAIŞning Raqa cho‘llarida odamlarning qo‘y va podalariga hujumlarini kuchaytirgani, 5-sentabr kuni bir qo‘y podasiga hujum qilib, bir kishini o‘ldirganini, ikki kishini yaralaganini va yuzta qo‘yni nobud qilganini ma’lum qilishdi.
Eslatib o‘tish joizki, 2021-yilda bo‘lgan bir hisobotda DAIŞning Suriyada mahalliy cho‘ponlardan qo‘ylarni o‘g‘irlab, keyin ularni boshqalarga sotishi muhim daromad manbai sifatida eslatib o‘tilgan edi.
