Afg‘oniston Islom Amirligi xavfsizlik kuchlari o‘tgan oy Bag‘lon viloyatida bir mujohidni shahid qilgan ISHID xavorij unsurlaridan bir guruhini yo‘q qildi.
Xavfsizlik kuchlarining ichki manbalariga ko‘ra, maxsus kuchlar tomonidan Bag‘lon viloyatining Nahriyn tumanida o‘tkazilgan operatsiyada 17 Rajab sanasida bir mujohidni shahid qilgan va uning qurolini g‘animat olgan aynan o‘sha ISHIDlar o‘ldirilgan. Shahid mujohid Ahmad Joviyd (Sirat) nomli bo‘lib, Afg‘oniston Islom Amirligi armiyasi safida xizmat qilgan edi. Taqabbalahulloh.
Manbalarga ko‘ra, xavfsizlik kuchlari tomonidan ISHIDlar tomonidan o‘g‘irlangan o‘sha qurol ham qayta musodara qilingan. U qurolning surati ISHIDning rasmiy jurnali **”An-Naba”**ning 479-sonida chop etilgan edi.
Bundan oldin, joriy Sha’bon oyining boshida Afg‘oniston Islom Amirligi razvedka kuchlari mamlakat shimolida xavorij unsurlarga qarshi keng qamrovli operatsiyalar o‘tkazgan edi. Natijada, To‘xor, Bag‘lon, Qunduz va Samanganda faoliyat yuritgan ISHID tarmog‘i yo‘q qilindi. Bu tarmoq Balujistonda joylashgan rahbariyatining ko‘rsatmasi bilan ko‘plab vayronkor harakatlarni amalga oshirgan edi. Ushbu operatsiya davomida Nahriyn-Bag‘londa zikr bilan band bo‘lganlarni shahid qilgan ISHIDlar ham yo‘q qilindi.
ISHID xavorijlariga qarshi keskin operatsiyalar shuni ko‘rsatadiki, Afg‘oniston Islom Amirligi hech qachon mujohidlar va xalqining qotillarini kechirmaydi va Allohning madadi bilan ular ustidan adolatni o‘rnatadi.