Ahmad Shakib
Islom – tinchlik, rahmat, me’yor, ilm va islohot dinidir. Bu din faqatgina ibodat va ma’naviyatga yo‘naltirmaydi, balki ijtimoiy tartib, adolat va tinchlikning asoschisi hamdir.
Ammo afsuski, tarix davomida har safar islom ummati birlik va barqarorlik sari qadam qo‘ysa, fitna, qon to‘kish, bo‘linish va ekstremizm olovini yoqadigan guruhlar paydo bo‘lgan. Ularning eng xavflisi, eng mutaassib va eng vayronkorlaridan biri bu – din nomi bilan chiqqan Xavorij guruhidir. Ular taqvo va dindorlik shiori ostida namoyon bo‘lishadi, lekin o‘zlari Qur’oni karim va nabaviy sunnat tomonidan og‘ir azob bilan ogohlantirilgan gunohlarga qo‘l uradilar.
Xavorij – ibodat, g‘ayrat va isloh niqobi ostida chiqadigan fitnachi to‘dadir. Ammo ularning asl yuzi – bu fasod, qotillik, xiyonat va dinga qarshi g‘oyalar bilan to‘la. Ular musulmonlarni takfir qilishni da’vo qiladilar, lekin o‘zlari islom dushmanlari ham uyalar darajadagi gunohlarga giriftor bo‘lganlardir.
Bu guruhning eng xavfli jihati – oddiy musulmonlar, ayniqsa yoshlar, ularning diniy ko‘rinishlari, qizg‘in so‘zlari va keskin pozitsiyalariga aldanishidir. Ular o‘zlarini yagona haqiqat egalari, boshqalarni esa adashganlar sifatida ko‘rsatadilar. Holbuki, haqiqat shuki – Xavorij islomning me’yor, rahmat va aqlga asoslangan ruhidan chiqib ketganlar bo‘lib, din nomidan chiqib, dinning o‘ziga qarshi kurashmoqdalar.
Ushbu maqolalar turkumida biz Xavorijlar sodir etadigan og‘ir gunohlarni ochiq va aniq dalillar bilan bayon qilmoqchimiz – bunday gunohlar faqat shariatga zid emas, balki aql va fitrat bilan ham mutlaqo mos kelmaydi. Biroq, Xavorij bu gunohlar botqog‘ida g‘arq bo‘lgan.
Xavorijlar giriftor bo‘lgan og‘ir gunohlar quyidagilardir:
1 – Begunohlarni o‘ldirish:
Islom inson qonini muqaddas deb biladi – hatto u kofir bo‘lsa ham. Alloh taolo marhamat qiladi:
«Man qotala nafsan bighayri nafsin aw fasadin fil-ard, faka’annama qatalan-naasa jami’an.»
Ma’nosi: «Kimki bir insonni (boshqasini o‘ldirmagan yoki yerda fasod chiqarmagan holatda) o‘ldirsa, go‘yo barcha odamlarni o‘ldirgan bo‘ladi.» (Moida: 32)
Shuningdek, Payg‘ambarimiz sallallohu alayhi va sallam aytganlar:
«Lazawaalud-dunya ahwanu ‘indallohi min qatli rajulin muslim.» (Termiziy)
Tarjimasi: «Butun dunyoning yo‘q bo‘lishi, Alloh taolo nazdida bir musulmonning nohaq o‘ldirilishidan osonroqdir.»
Ammo Xavorij Qur’on va Sunnatga zid tarzda; begunoh musulmonlarni, ulamolarni, ayollarni, bolalarni va oddiy xalqni o‘ldiradilar. Ularning hujumlari, portlashlari va nishonli suiqasdlari shuni isbotlaydiki, musulmon qoni ularning nazarida hech qanday qadriyatga ega emas. Ular o‘zlarining yovuz niyatlarini din nomi bilan amalga oshiradilar – hatto masjidlarga, diniy maktablarga va ilmiy markazlarga ham hujum qiladilar.
