Abdan Safi
Kecha Pokiston mudofaa vaziri bir televideniye intervyusida iddao qildi-ki, go‘yoki Afg‘onistonning Islomiy Amiriyligi Pokistondan Vaziristonlik qochqinlarni bu mamlakatdan ko‘chirish uchun milliardlab Pokiston rupiyasi talab qilgan. Ushbu iddao butunlay asossiz bo‘lib, yana bir bor Pokiston hukumatining o‘z muvaffaqiyatsizliklarini yashirish va xalqaro yordamlarni jalb qilish uchun o‘ynayotgan o‘sha maxsus o‘yinini namoyish etadi. Bu haqiqatdan yiroq bo‘lgan iddao nafaqat Pokistonning ichki muammolarini oshkor qiladi, balki bu davlatning davomiy fitnalari va xalqaro hamjamiyatni aldayotgan harakatlarini ham ochib beradi.
Pokiston uzoq vaqtdan beri o‘zini jabrlangan deb ko‘rsatishga urinish bilan band. Ba’zida o‘zini terrorizmga qarshi kurashda dunyoning askari deb ataydi, ba’zida xalqaro jamiyatdan qochqinlar uchun yordam talab qiladi, va ba’zida esa iqtisodiy tanazzulining sababini boshqalarda ko‘radi.
Ushbu yangi iddao ham shu uzoq davom etgan spektaklning bir qismidir. Ko‘rinib turibdiki, Pokiston yana Vaziristonlik qochqinlarni tahdid sifatida ko‘rsatishga va xalqaro yordamlarni jalb qilishga urinmoqda.
Pokistonning iqtisodiy ahvoliga nazar tashlaganda, bir milliard rupiya talab qilish mantiqsiz va be’mani bo‘lib tuyuladi. Bu davlat Xalqaro Valyuta Jamg‘armasi (IMF)dan qarz olish uchun hamma eshiklarni taqillatmoqda va hatto o‘z iqtisodiy siyosatlarini IMFning ruxsatisiz tuzishga qodir emas. Ularning pulining dollarga nisbatan qiymati doimiy ravishda pasaymoqda, narxlarning darajasi tarixiy rekord darajaga yetgan, va aholisi og‘ir iqtisodiy qiyinchiliklarga duch kelmoqda.
Ammo Pokiston o‘z muammolarini tan olish va ularni hal qilish o‘rniga, o‘zini jabrlangan qilib ko‘rsatishga va boshqa davlatlarni ayblashga harakat qilmoqda.
Pokiston rasmiylari uchun asossiz iddaolarni ilgari surish yangilik emas. Ular terrorizmga qarshi kurash nomi bilan milliardlab dollar mablag‘ oldilar, lekin aslida mintaqada terrorizmni yanada faolroq qilishdi. Ular IShID kabi zararli guruhlarga boshpana va jihozlar taqdim etishdi.
Afg‘oniston Islomiy Amiriyligi so‘zchilari Pokistonning ushbu asossiz iddaolarini keskin rad etib, na bunday talab bo‘lganini va na Pokistonning bunday miqdorni to‘lashga qodir ekanligini ta’kidlashdi. Amiriya rasmiylari bu iddaolar Pokistonning faqatgina o‘z ichki muvaffaqiyatsizliklarini yashirishga qaratilganligini aytishdi.
Pokiston o‘tgan o‘n yilliklarda xalqaro jamiyatni noto‘g‘ri ma’lumotlar bilan aldash va turli bahonalar orqali moliyaviy yordam olishga harakat qilib kelgan.
Endi xalqaro hamjamiyat Pokistonning bu harakatlariga ishonmasligi va bu davlatni o‘z muvaffaqiyatsizliklari uchun javobgarlikni o‘z zimmasiga olishga majbur qilishi kerak.
Pokiston mudofaa vaziriga aytamizki, sizning davlatingiz dunyoda eng ko‘p yordam oluvchi mamlakatlar ro‘yxatining boshida turadi va har yili Xalqaro Valyuta Jamg‘armasi (IMF), Saudiya Arabistoni, Xitoy va boshqa davlatlardan qarz va moliyaviy yordam so‘raydi. Sizning iqtisodingiz inqiroz yoqasida, aholiyingiz esa cheksiz ocharchilik va ishsizlik bilan yashamoqda. Hatto o‘z qarzlaringizni qaytarishga ham qodir emassiz va kunlik ehtiyojlaringizni xalqaro yordam bilan qoplaysiz. Qanday qilib sizdan kimdir milliardlab rupiya talab qilishi mumkin? Aslida, siz kunlik ehtiyojlaringiz uchun dunyo eshiklarini qoqyapsiz, lekin baribir «saxovat» da’vo qilasiz.
Avvalo iqtisodingizni tartibga soling va xalqingizga xizmat ko‘rsatishga qodir bo‘ling, keyin boshqalarga yordam berishni da’vo qiling.
