Bashom Shahid
Musulmonlar dunyo yetakchiligini qo‘lga olgan paytda, ular dunyoni fasod, adolatsizlik, zulm, majburlash va inson qadrining yo‘qolishiga tomon sudrab kelayotgan o‘sha bemor va hayvonsifat odamlarni fir’avniy hukumatlaridan chetlatdilar va insoniyatni muvozanat hamda uyg‘unlik yo‘liga undadilar. Chunki ular yetakchilik va rahbarlik maqomiga munosib bo‘lgan fazilatlarga ega edilar.
Ammo afsuski avvalgi qismlarda ta’kidlaganimizdek musulmonlarning zaiflashuvi hamda ularning qudrat va yetakchilikni boy berishiga sabab bo‘lgan birinchi omil, ularning e’tiqod va amaldagi sustlik va zaiflik bo‘ldi.
2: Tafrqa va ajralish (Islom ummati ichida birlikning yo‘qligi)
Islom ummatining zaiflashishiga sabab bo‘lgan ikkinchi muammo musulmonlar orasidagi tarqoqlik va kelishmovchilikdir. Ichki nizolar oqibatida bugun dunyoning har bir burchagida musulmonlar zulm va sitam nishoniga aylangan. Ko‘plab islomiy mamlakatlar hukmdorlari faqat shaxsiy manfaatlari yo‘lida Islomning azaliy dushmanlari bilan murosa qilmoqdalar va musulmonlarga qarshi qirg‘inlar hamda minglab zulm turlarida ular bilan hamkorlik qilmoqdalar.
Agar biror hududda musulmonlarning bir guruhi o‘z diniy, milliy va hududiy huquqlarini himoya qilish uchun kurashga ko‘tarsa, ularni bostirishga harakat qilinadi va zolim hukumatlarning bosqini hamda hukmronligi davom etishi kafolatlanadi. Buning yaqqol misollarini Afg‘oniston, Iroq, Suriya va Falastinda ko‘rganmiz.
Xulosa qilib aytganda, Islom ummatining izzati va sharafini qayta tiklash hamda musulmonlar zaifligini yo‘qotishning yagona yo‘li ularning birlashuvidir. Musulmonlar ilk musulmonlar kabi bo‘lishlari kerak. Barcha musulmonlar ulamolar, ustozlar, muhandislar, shoirlar, yozuvchilar, jurnalistlar va jamiyatning boshqa qatlamlari Islom ummati birligiga hamma narsadan ko‘ra ko‘proq ahamiyat berishlari va shu yo‘lda faoliyat olib borishlari lozim. Chunki agar musulmonlar birlashib, bir safda turishsa, yana qayta oyoqqa turadilar va dunyodagi barcha mazlumlarning huquqini himoya qilish hamda zolimlardan hisob so‘rash qudratiga ega bo‘ladilar. Aks holda, ularning kelishmovchiligi va tarqoqligi kofirlarga bugungidek zulm va sitamni davom ettirish uchun imkon beradi.
Musulmonlar orasida tafrqa paydo bo‘lishiga sabab bo‘lgan omillardan yana biri millatchilik va vatanparastlikning kengayishidir. Bu oqim kelishmovchilik va ajralish ildizlarini yanada chuqurlashtirib, jamiyatga adovat va fitna urug‘larini sochdi. Shuningdek, siyosiy partiyalarning tuzilishi ham bu ummatni bo‘lib tashlash va parchalash uchun vosita sifatida ishlatildi.
Alloh taolo musulmonlar birligining ahamiyati haqida O‘zining muborak kalomida shunday marhamat qiladi:
Va Allohga va Uning Rasuliga itoat qilinglar va o‘zaro nizolashmanglar, aks holda zaiflashib, qudratingiz va haybatingiz yo‘qoladi. Sabr qilinglar, albatta Alloh sabr qiluvchilar bilan birgadir.
(Anfol surasi, 47-oyat)
Ushbu oyatda Alloh taolo sizlarning nizolaringiz va kelishmovchiliklaringiz qudrat va haybatingizni yo‘qotishini bayon qilmoqda. Bugun biz bu achchiq haqiqatning yaqqol guvohimiz.
