Obid Mujohid
Uzoq va yaqin tarixda hech kim afg‘onlar boshqa xalqlarga tajovuz qilganini isbotlay olmaydi. Shu bilan birga, hech kim biror tajovuzkor afg‘onlarni tiz cho‘ktira olganini ham isbotlay olmaydi. Iskandar Maqduniydan mo‘g‘ullargacha, mo‘g‘ullardan Boburiylargacha, ulardan esa Angliya, Rossiya va Amerikagacha afg‘onlar Alloh taoloning yordami va nusrati bilan har bir bosqinchining qudratini shunday barbod qilganki, ular qayta tiklanishga boshqa hech qachon qodir bo‘lmagan.
Iqtisodiy va siyosiy jihatdan jiddiy inqirozlarga duch kelgan Pokiston harbiy rejimi mamlakat ichida ham musulmon xalqlarning noroziligiga sabab bo‘lgan, qo‘shni davlatlarning hech biri bilan mustahkam va ijobiy aloqalarga ega emas hamda terrorizmni qo‘llab-quvvatlash maqsadida egallab olingan hudud ustiga qurilgan. U o‘zining barcha badnomliklarini Afg‘onistonga yuklashga va o‘zini Afg‘onistonga nisbatan pok hamda obro‘li ko‘rsatishga urinmoqda.
Ushbu rejim zimmasiga yuklatilgan vazifalar mintaqada beqarorlikni yoyish, terrorchilar va IShID xavorijlarini qo‘llab-quvvatlash hamda tarbiyalash, yirik iqtisodiy yo‘laklar va loyihalarga to‘sqinlik qilish va ularni kechiktirish, eng yomoni esa Islom va musulmonlarni badnom qilishdan iborat bo‘lib, shu maqsadda yana bir bor Afg‘oniston Islom Amirligini diniy, iqtisodiy va siyosiy jihatdan bosim ostiga olishga harakat qildi.
Shu sababli diniy ulamolarni shahid qildi, yirik iqtisodiy yo‘llarni to‘sdi, xalqaro maydonlarda Islom Amirligiga qarshi salbiy tashviqot olib bordi, IShID xavorijlarini qo‘llab-quvvatladi, avvalgi hukumatning arbakiylari va muvaffaqiyatsiz amaldorlarini qurol-yarog‘ hamda targ‘ibot vositalari bilan ta’minladi va o‘zining terrorchi armiyasi orqali afg‘onlarning uy-joylari hamda fuqarolik obyektlarini bombardimon qildi.
Afg‘oniston Islom Amirligi barcha islomiy qadriyatlar, inson huquqlari va siyosiy tamoyillarni inobatga olgan holda barcha muammolarni muzokara yo‘li bilan hal etishni istadi. Ammo buning natijasi Pokistonning yollanma harbiy ma’muriyatining yanada jasurlashishi va haddidan oshishi bo‘ldi. Oxir-oqibat Afg‘oniston hukumati ham xuddi shunday choralar ko‘rishga majbur bo‘ldi. Chunki afg‘onlar zolimlar, jabborlar, bosqinchilar, terrorchilar va istilochilarni yo‘q qilish borasida shonli va haqiqiy tarixga egadirlar.
Afg‘oniston Islom Amirligining yaqinda bosib olingan Balujiston va Pashtunxoh hududlarida amalga oshirgan tezkor amaliyotlari natijasida ko‘plab IShID a’zolari, arbakiylar va Afg‘oniston xavfsizligiga tahdid solayotgan jinoyatchi unsurlar yo‘q qilindi. Shuningdek, Islom Amirligi mas’ullarining bayonotlari, mudofaa idoralarining harakatlari va ommaviy axborot vositalari xabarlaridan ayon bo‘ladiki, ushbu amaliyotlar amalda Pokiston harbiy rejimiga qarshi ochiq urush e’lon qilinishini anglatadi. Endilikda faqat ogohlantiruvchi, mudofaa yoki javob zarbalari bilan cheklanib qolmay, hujumkor amaliyotlar ham amalga oshiriladi va Afg‘oniston Islom Amirligiga qarshi shakllanayotgan barcha tahdidlar ildizidayoq yo‘q qilinadi.
Bunday hujumkor amaliyotlar qarshisida xalqaro tashkilotlar, mintaqa davlatlari hamda qabila oqsoqollari va vositachilarining tili ham, qo‘li ham bog‘langan. Chunki Afg‘oniston Islom Amirligi uzoq vaqt davomida muzokaralar natijasini kutdi, biroq ulardan hech qanday samara olmadi. Shu bois bugungi vaziyatning barcha salbiy oqibatlari uchun javobgarlik Pokiston harbiy rejimi zimmasiga tushadi va aynan shu rejim buning mas’uli hisoblanadi.
