Balujiston viloyatida IShID jangarilari hali ham faol. Ular yaqinda Nushki tumanida joylashgan markazlaridan foydalanib, ikki chegara politsiyasini o‘ldirishgan.
Xabarlar bo‘yicha, bu hujum o‘tgan chorshanba kuni Nushki viloyatining G‘aribobod hududida sodir bo‘lgan. Qurollangan odamlar politsiyachilarga hujum qilib, ularni o‘ldirishgan. Oradan ko‘p o‘tmay, IShID bu hujumni o‘z zimmasiga olgan. Aytilishicha, bu ikki politsiyachi ilgari IShID’ning yuklarini to‘xtatganliklari uchun nishonga olingan.
Manbalarga ko‘ra, IShID’ning ayrim markazlari hanuz Mastung va boshqa joylarda ishlamoqda. Ular shu joylarda jangarilarni tayyorlab, yangi hujumlarni rejalashtirishmoqda. Ammo Pokiston hukumati bu narsaga ko‘z yumadi — chunki ular IShID’dan o‘z raqiblariga qarshi vosita sifatida foydalanadi va shu yo‘l bilan G‘arb davlatlarining yordamiga erishmoqchi bo‘ladi.
Bir necha oy oldin Mastungda IShID markazlariga qarshi katta harbiy amaliyot o‘tkazilgan edi. Unda xorijlik jangarilar bilan bir qatorda o‘nlab IShID a’zolari ham o‘ldirilgan. Ularning rejasiga ko‘ra, keyinchalik shu joydan Afg‘oniston va G‘arb davlatlariga qarshi hujumlar uyushtirilishi kerak edi.
Eslatish joiz, Balujistondagi IShID hujumlari asosan Pokistonning harbiy rejimiga qarshi siyosiy yoki qurolli kurash olib borayotgan odamlarga qaratilgan.
O‘tgan hafta Afg‘oniston Islomiy Amirligi matbuot kotibi Zabihulloh Mujohid matbuot anjumanida shunday dedi:
IShIDning Xuroson bo‘limi rahbari Shihobul Muhajir va uning hamrohlari Abdulhakim Tohidiy, Sulton Aziz A’zam hamda Salahuddin Rajab hozirda Pokistonda yashirinib yurishibdi. Ular aynan o‘sha yerda Afg‘oniston, mintaqa va hatto butun dunyo bo‘yicha hujumlarni rejalashtirib, o‘z odamlari tayyorlashmoqda.
