Xolid Ahror
G‘azo osmoni yana sionist bosqinchilar vahshati, jinoyati va shafqatsizligi olovida alangalanib ketdi. 2026-yil 15-may kuni sionistik rejim G‘azo shahrining gavjum ar-Rimal hududidagi bir turar joy binosi va fuqaroviy avtomobilni to‘g‘ridan-to‘g‘ri nishonga oldi. Ushbu jinoyatkorona va shafqatsiz hujumda bir qancha begunoh falastinliklar shahid bo‘ldi. Ular orasida eng muhim, eng nufuzli va eng yuqori martabali shaxs Hamasning harbiy qanoti bo‘lgan Qassom brigadalarining yetakchi qo‘mondonlaridan biri Izzuddin Haddod (Abu Suhayb) rahimahulloh ham bor edi.
Bu hujum yana bir bor shuni ko‘rsatadiki, sionistik rejim nafaqat qurolli qarshilik yetakchilarini, balki Falastin xalqining iroda va ruhiyatini ham nishonga olmoqda. Ammo tarix doimo takrorlaganki, mazlumlarning qoni ozodlik daraxti uchun eng yaxshi sug‘orishdir.
Izzuddin Haddod rahimahulloh kim edi?
Izzuddin Haddod Falastin qarshiligining jasur, tajribali, hushyor va yuqori martabali mujohidlaridan biri edi. U uzoq yillar Hamasning harbiy qanotida xizmat qildi va G‘azoning shimoliy jabhalaridagi mudofaa hamda hujum operatsiyalarini rejalashtirish va amalga oshirishda muhim hamda hal qiluvchi rol o‘ynadi. U qarshilik salohiyatini kengaytirish, murakkab tunnel tarmoqlarini yaratish, quruqlik janglarini boshqarish, bosqinchilarning zirhli texnikalariga qarshi mudofaa choralarini ishlab chiqish va mujohidlar ruhiyatini mustahkamlashda katta xizmatlar qilgan asosiy qo‘mondonlardan biri edi.
Mujohidlar va qarshilik tarafdorlari uni G‘azoning ruhi, Qassom brigadalarining yuragi va mag‘lub bo‘lmas iroda timsoli deb bilishardi. Izzuddin Haddod butun umrini, yoshlik davrini, kuch-quvvatini va salohiyatini Falastinning to‘liq ozodligi, Quddusi sharifning hurriyati va Islom ummati sha’nini himoya qilish yo‘lida bag‘ishlagan edi. U faqat harbiy qo‘mondon emas, balki yosh avlodga jihod, fidoyilik va qarshilik sabog‘ini beruvchi ilhom baxsh yetakchi ham edi.
Uning shahidligi butun qarshilik jabhasiga katta va og‘riqli yo‘qotishdir. Ammo ayni paytda minglab yoshlar uchun yangi qat’iyat, fidoyilik va kurashning qudratli uchquniga aylandi. Shahidlik karvoniga qo‘shilgan har bir shahid qarshilik daraxtini yanada serhosil qiladi va maydonga minglab yangi, jasur va sadoqatli mujohidlarni olib chiqadi.
Sionistik rejim uchun bu hujum katta yutuq va muhim g‘alaba sifatida ko‘rsatilmoqda. Ammo haqiqat shuki, bunday hujumlar Falastin qarshiligining yillar davom etgan g‘ayriinsoniy qamal, G‘azo havo, suv va tuprog‘i ustidan nazorat, kundalik qatliomlar, uylarning vayron qilinishi va Falastin zaminining davomli bosib olinishi qarshisidagi qonuniy, muqaddas va insoniy javobiga nisbatan reaksiyadir.
2023-yil 7-oktyabrdagi “To‘fonul Aqso” amaliyotidan beri sionistik rejim G‘azoda zamonaviy tarixdagi eng vahshiyona urush jinoyatlarini sodir etdi. Minglab bolalar, ayollar, shifokorlar, ustozlar va qariyalarni shahid qildi, shifoxonalar, maktablar, masjidlar va boshpanalarni nishonga oldi. Ammo hanuzgacha G‘azo xalqi va mujohidlarining qarshilik irodasini sindira olmadi.
G‘azoning jasur va sabrli xalqi so‘nggi ikki yarim yil davomida sabr, matonat, bardosh va fidoyilikning mislsiz namunalarini namoyish etdi. O‘lim, qon to‘kilishi, to‘liq vayronagarchilik, qahatchilik, suv va elektr yo‘qligi hamda turli ruhiy va jismoniy bosimlarga qaramay, ularning qarshilik irodasi kundan-kunga yanada kuchli va mustahkam bo‘lib bormoqda. Bugun G‘azo qarshiligi butun dunyoda mazlum, mahrum va bosib olingan xalqlar uchun umid, jasorat va g‘alabaning buyuk timsoliga aylangan.
Hamas Falastinning to‘liq ozodligi va Islom ummati sha’nini himoya qilish uchun kurashayotgan islomiy, milliy, inqilobiy va xalqchi qarshilik harakatidir. Uning harbiy qanoti bo‘lgan Qassom brigadalari ushbu tarixiy va taqdiriy kurashda yetakchi hamda ta’sirli rol o‘ynamoqda. Ular faqat qurolli jihod, raketa hujumlari, quruqlik operatsiyalari va tunnel urushlarida faol emas, balki ijtimoiy xizmatlar, yordam ko‘rsatish, ta’lim, sog‘liqni saqlash va xalqning kundalik hayotini qo‘llab-quvvatlashda ham keng hamda samarali faoliyat yuritmoqda.
Qassom brigadalari mujohidlarining jasorat, tadbir, ixlos va fidoyilik hikoyalari bugun mazlum musulmonlar va butun dunyo ozodlikparvarlari uchun tirik umid hamda ilhom mash’aliga aylangan. Tunnellardan tortib dronlargacha, raketalardan quruqlik janglarigacha va media urushidan global qo‘llab-quvvatlashni jalb qilishgacha bo‘lgan kurashlari kuchli imon, birlashgan iroda va ixlos har qanday texnologiya hamda harbiy ustunlik qarshisida g‘alaba qozonishi mumkinligini ko‘rsatmoqda.
Tarix bizga ko‘p bora shuni o‘rgatganki, mazlumlarning qarshiligi oxir-oqibat g‘alaba qiladi. Jazoir, Vetnam, Afg‘oniston, Livan va boshqa mamlakatlar misoliga qarasak, bosqinchilar qanchalik kuchli, shafqatsiz va qurollangan bo‘lmasin, oxirida mag‘lub bo‘lishini va tarix g‘alabani mazlumlar nomiga yozishini ko‘ramiz.
Izzuddin Haddod taqabbalalloh!
Shahadatingiz qabul bo‘lsin. Pok qoningiz, inshaalloh, ozodlik daraxti uchun eng yaxshi sug‘orish bo‘ladi va bu daraxt son-sanoqsiz, kuchli, serhosil hamda g‘olib shoxlarni yetishtiradi. Islom ummati undan qarshilik dostonlari bilan chanqog‘ini qondiradi va Quddusi sharif ozodligi mash’ali hech qachon o‘chmaydi, balki kundan-kunga yanada porloq va ulug‘vor bo‘lib boradi.
