Xolid Hamzah
Hazrati Abu Bakr Siddiq (roziyallohu anhu) qiyom qildi, musulmonlar ham u bilan birga turdilar. U murtadlarni ildizidan sug‘urib tashladi, soxta payg‘ambarlarning boshlarini tanasidan judo qildi va yana bir bor dunyoni Allohning nuri bilan yoritdi hamda Arabistonni musulmon qildi.
Shuningdek, Abu Bakr (roziyallohu anhu) Madinadan Islom lashkarini Fors va Rimni fath etish uchun jo‘natdi. Bu tarixdagi eng ajablanarli va buyuk qarorlardan biri edi. O‘sha kuchli iymon bilan qayta harakat boshlagan qo‘shin, ichki urushlardan endigina qaytgan edi, lekin ular Fors va Rim imperiyalarini yo‘q qilishga qaror qildilar va buni uddaladilar. Ha, bizning g‘alaba sirimiz o‘sha iymon va e’tiqod edi, tog‘larni eritib, dengizlarni yorib yuboradigan kuchli iymon.
Umaviylar va Abbosiylar xalifaligi dunyoning 2/3 qismini Islom bayrog‘i ostiga birlashtirdi. Ilm-fan, iqtisodiyot va sanoat sohalarida dunyoning yetakchisi bo‘ldi. 800 yillik Islom Andalusiyasi shunday tsivilizatsiyani yaratdiki, bugungi kunda ham odamlar bunga hayron qolmoqda.
O‘sha paytda, butun Yevropada ilm-fan va sanoat taqiqlangan edi, lekin bizning Islomiy Andalusimizda katta-katta jarrohlik amaliyotlari bajarilayotgan edi. Yevropaning butunida mingta ham kitob yo‘q edi, lekin faqatgina Qurtubadagi bitta kutubxonamizda o‘n minglab kitoblar mavjud edi. Ishbiliya, Talitila va Bag‘dod shaharlarining obodligi ham bu davrning guvohi edi va ular hali ham o‘z meroslari bilan faxrlanishmoqda.
Lekin hukmdorlar va xalqi muborak Islom dinini o‘z hayotlaridan chiqarib tashlaganlarida, dunyo boylik va lazzatlariga berilib ketdilar. O‘sha paytda sharqdan mo‘g‘ullar, g‘arbdan esa salibchilar hujum qildilar va Abbosiylar xalifaligini yo‘q qildilar. Shundan so‘ng mo‘minlar yana o‘z dinlariga qaytdilar va Alloh taolo ularga Usmoniylar xalifaligi kabi buyuk bir ne’mat berdi.
Usmoniylar Yevropaning uchdan bir qismini fath qildi va Islom XX asrgacha dunyoga hukmronlik qildi, hayotning barcha jabhalariga o‘rnak bo‘ldi. Lekin biz yo‘limizni o‘zgartirgan paytimizda, baxtsizlik va qulashga duch keldik. 1924-yilgacha islomiy ummatni birlashtirgan va birlik ramzi bo‘lgan xalifalik yo‘q bo‘ldi va Islom dunyosi 57 qismga bo‘lindi.
