Junayd
Tarix shuni isbotlaganki, dushmanlar Islom askarlari va mudofeachilari bilan yuzma-yuz jang qilishga ojiz bo‘lgan har safar, ular aldov va hiylaga murojaat qilganlar. Ular ba’zi musulmonlarning johilligidan, boshqalarining esa tamagirlik, mol-dunyoga havas, shuhratparastlik, shahvat kabi zaifliklaridan foydalanib, Islom nomini yomonotliq qilganlar. Islom dushmanlari bu yo‘lda ancha muvaffaqiyatga erishganlar.
Bu holat hanuz davom etmoqda. Bugungi kunda ham islomga qarshi davlatlar va razvedka tashkilotlari aynan mana shu johil, zaif yoki o‘zlariga sadoqatli musulmonlar orqali Islomni yomon ko‘rsatishga harakat qilmoqdalar.
Ularning ko‘rsatmasi bilan tashkil topgan guruhlar Islomni dunyoga shunday qilib ko‘rsatmoqdaki, go‘yo bu din zo‘ravon, qonli, qotillik bilan to‘la, zamonaviylik va texnologiyadan orqada qolgan, vahimali, dahshatli va boshqa dinlar tomonidan qabul qilinmaydigan din hisoblanadi. Ular Islom nomidan va islomiy libos ostida insoniyatga zid, haqiqiy islom mohiyatiga qarshi ishlarni qilishmoqda.
Islomning asl ruhidan bexabar bo‘lgan odamlar mustamlakachilar ishorasiga qarab bu yomon ishlarni “haqiqiy islom” deb o‘ylaydilar. Ba’zan esa bu ishlarni qilayotganlarning o‘zlari ham anglamaydilarki, ular islomga emas, balki islomga qarshi xizmat qilishmoqda.
Insoniyat dushmanlari bu guruhlar uchun fatvolar chiqarib, ularning jinoyatlarini “nazariy jihatdan asoslash” bilan ham shug‘ullanganlar. Afsuski, bu uslublarning ko‘pchiligi bizning islomiy meros (turos) kitoblarimizda ham mavjud va DAISh bu ishlarni juda professional darajada amalga oshirgan.
Biz ularning barcha jirkanch amallarini, ayniqsa bu terrorchi guruh tomonidan sodir etilgan 30 dan ortiq jinoyatlarni fosh qilishga harakat qilamiz.
Ular orasida quyidagilar mavjud: odamni yoqib yuborish, nayzaga ilish, vahimali tarzda xochga mixlash, tirik odamni qamab qo‘yish, asirlarni o‘ldirish, odamlarni baland joylardan tashlab yuborish, toshbo‘ron qilish, jasadlarni tahqirlash, o‘g‘rilik, mol-mulkni vayron qilish, bosh kesish va shu kabi boshqa yovuz amallarni sizga ko‘rsatamiz.
Bu amallar nafaqat biror samoviy shariat tomonidan qabul qilinmagan, balki birodarlik, sabr-toqat va ijtimoiy hamkorlik dini bo‘lgan Islom ularni qat’iyan rad etadi.
