IShID hech qanday insonparvarlik va islomiy tamoyillarga amal qilmaydi

Ziya Barri

Alloh taolo muborak Islom dinida odamlar uchun ochiq-oydin hukmlar va qoidalarni belgilab qo‘ygan.

Islom hech kimga jinoyatchilarga qarshi shunchalik zo‘ravonlik qilishga ruxsat bermagan, to o‘zi jinoyat qiluvchi bo‘lib qolmasin.

Muqaddas Islom dinida inson tanasini har qanday holatda yoqish noto‘g‘ri va harom deb hisoblanadi. Hadislarda va Nabaviy so‘zlarda inson tanasini yoqish qat’iy taqiqlangan, chunki bu harakat inson qadr-qimmatini tahqirlash va nihoyatda haqoratli bir ish hisoblanadi.

Ammo IShID o‘z ekstremizmi tufayli barcha bu qonun-qoidalarni buzib, o‘z e’tiqodlariga qarshi bo‘lgan yoki IShID ga qarshi urushda asir tushganlarni o‘nlab marotaba tiriklayin yoqib yuborgan. Mana bir necha misol:

1. Iordaniyalik uchuvchi Mo’oz Kasosbehnni yoqib yuborish;

2015-yilda IShID Mo’oz Kasosbehn, Iordaniya armiyasi uchuvchisini urush paytida tiriklayin asir olgan va bir videotasvir tarqatgan. Bu videoda Mo’oz Kasosbehn temir qafas ichida saqlanib, tiriklayin yoqib yuborilgani ko‘rsatilgan.

2. Suriyaning Raqa shahrida muxoliflarni yoqib yuborish;

IShID 2014 va 2015-yillarda Suriyaning Raqa shahrida bir nechta asirlarni tiriklayin yoqib yuborgan. Bu odamlar IShID ga qarshi bo‘lgan yoki hukumat bilan aloqador edi; IShID ularni o‘z dushmanlari sifatida jazolagan.

3. Shangaldagi ezidilarni yoqib yuborish;

2014-yilda IShID Shangal hududiga hujum qilganida, Islom qonunlariga zid ravishda katta miqdordagi ezidilarni zulm ostida saqladi, hattoki ayrimlarini tiriklayin yoqib yubordi. Ba’zi xabarlarda ayollar va bolalar ham bu jinoyat qurboni bo‘lganini ko‘rsatilgan.

4. Suriyada IShID nazorati ostidagi hududlarda odamlarni yoqib yuborish;

IShID Suriyada ba’zi hollarda o‘z muxoliflari va ularga qarshi bo‘lgan shaxslarni tiriklayin yoqib yuborgan. Ushbu vahshiylik asosan «xoinlar» va «murtadlar»ni jazolash sifatida amalga oshirilgan va bu amallarni aks ettiruvchi tasvirlar va videolar keng tarqatilgan.

Bunday vahshiyona harakatlar IShID tomonidan «jihod» sifatida oqlangan bo‘lsa-da, u to‘liq islomiy shariat va insoniy munosabatlarga zid keladi.