Ehson Sajidiy
ISHID bu G‘arb tomonidan islomni yomon ko‘rsatish va yoshlarning bu din sari moyilligini to‘xtatish uchun ishlab chiqilgan bir loyihadir. G‘arb sivilizatsiyasining yuragida adashgan va haqiqatga chanqagan bir avlod bu dunyoviylikdan tashqarida ma’no izlagan avlod edi. Zamonaviy hayotning bo‘shlig‘idan charchagan yoshlar sharqqa, sof islomiy ta’limotlarga yuzlanayotgan edi. Bu tobora kuchayib borayotgan tendensiya G‘arb rejimlari rahbarlarining uyqusini qochirgan edi bu ma’naviy harakat va uyg‘onish yo‘lini qanday qilib to‘xtatish mumkin? Javob: islomdan yomon bir qiyofa yaratish edi.
G‘arb bu buzuq niyat bilan va tajribali jarroh singari aniqlik bilan bir loyiha ustida ish boshladi va unga “ISHID” nomini berdi. Bu takfirchi guruh o‘zini go‘yoki asl va an’anaviy islom himoyachisi sifatida ko‘rsatgan bo‘lsa-da, aslida u islomni buzish uchun ishlab chiqilgan bir urush mashinasidan iborat edi. Hujjatlar va dalillar ko‘rsatadiki, bu guruhga moliyaviy va harbiy yordam tasodifiy emas edi. Ataylab ISHID pozitsiyalariga hujum qilmaydigan samolyotlar ma’no anglatuvchi bir signal edi. G‘arbning asosiy OAVlari esa doimiy ravishda zo‘ravonlik sahnalarini ko‘rsatib, bitta xabarni takrorlayotgan edi: “Mana siz izlayotgan islom shudir!
Ammo haqiqat qanday edi? O‘sha davrda G‘arb universitetlari islomga misli ko‘rilmagan tarzda yoshlarning qiziqishiga guvoh bo‘ldi. Ular dunyoviy va gumanistik tizimlardan charchagan edilar. Ular islomiy ta’limotlarda xotirjamlik, ma’naviyat va yuksaklik topgan edilar. Islom birodarlik, adolat va chuqur ma’naviyatga asoslangan holda G‘arbdagi shaxsiyatsizlik inqiroziga ma’noli javob bo‘la oldi. Aynan mana shu narsa hokim kuchlarni vahimaga solgan edi.
G‘arbning bu buzuq rejasi qisqa muddat ichida ma’lum natijalar bergan bo‘lsa-da, ko‘pchilik targ‘ibotlardan ta’sirlanib, islomni zo‘ravonlik bilan tenglashtirgan bo‘lsa-da, haqiqat nuri hech qachon butunlay o‘chirib bo‘lmaydi. Bugun pardalar ko‘tarilganidan so‘ng, o‘sha yoshlarning ko‘pchiligi chuqurroq tadqiq qilish orqali islomning go‘zalligini anglab yetmoqdalar. Ular tushunib yetmoqdaki, ISHID islomning vakili emas, balki uning dushmani edi.
Bu tajriba bizga shuni o‘rgatadiki, hushyor bo‘lishimiz zarur. Har qachon islom najot yo‘li sifatida namoyon bo‘lsa, zolim kuchlar va ularning yovuz agentlari maydonga chiqadilar. Ammo bir haqiqat o‘zgarmaydi: islom inson fitrati va pok tabiatiga mos dindir. Aynan shu din:
«لا إِكراهَ فِي الدِّينِ»
ya’ni “Dinda majburlash yo‘q.
Bu o‘sha dindirki, adolat, zulmni inkor etish, birodarlik va tenglikni barcha insonlarga hadya etadi. Bu esa hech qanday buzuvchi kuch yo‘q qilib yubora olmaydigan haqiqatdir. Chunki Alloh O‘zi va’da bergan:
«إِنّا نَحْنُ نَزَّلْنَا الذِّكْرَ وَإِنّا لَهُ لَحافِظُونَ»
Albatta, bu eslatmani (Qur’onni) Biz nozil qildik va albatta, Uni Biz o‘zimiz asraymiz.
