Mohajer Safi
«Muhtarom o‘quvchilar, ehtimol bu fikrni bir necha marta o‘qigan yoki eshitgandirsizlar: da’vatchilik va terrorchi guruhlar, xususan IShID, mintaqaviy va xalqaro siyosiy kuchlar tomonidan yaratilgan bo‘lib, ularning islomiy ta’limotlar bilan hech qanday aloqasi yo‘q. Lekin yana shu masalani bir oz kengaytirib yoritishni lozim topdik.
Avvalo shuni aytishimiz kerakki, biror dinga oid ta’limotni o‘sha dinga mansub asli manbalardan va obro‘li so‘zlardan olish kerak. Agar bir amal o‘sha din tomonidan qoralangan bo‘lsa-yu, lekin odamlar uni ushlab olgan bo‘lsalar, bu o‘sha dinning nomiga isnod bo‘la olmaydi va unga ta’na qilishga sabab bo‘lmaydi.
Demak, ichida birorta taniqli va obro‘li olim bo‘lmagan IShID guruhini islom va musulmonlar vakili deb tasavvur qilish kerak emas, va uning nojoiz harakatlari tufayli muqaddas islom diniga hujum qilish to‘g‘ri emas.
Islom nomidan har xil vahshiylik va zo‘ravonliklarni amalga oshirayotgan IShID va boshqa da’vatchilik guruhlari, aslida islom va musulmonlar bilan begona bo‘lib, tabiiyki, ularning g‘oya va xatti-harakatlarini islomiy ta’limotlarning namunasi deb hisoblab bo‘lmaydi.
IShID guruhining orqasidagi yashirin va muhim ma’lumotlar shuni tasdiqlaydiki, u islomiy ko‘rinishda siyosiy maqsadlarga erishish uchun tuzilgan va qo‘llab-quvvatlangan. Siyosiy tahlilchi J. C. Verelman maqolasida nemis jurnalining IShIDning islomiy guruh ekanligi da’vosini yana bir bor rad etuvchi hujjatlarni chop etganini ta’kidlagan.
Mazkur hujjatlar IShIDning tashkil etilishi va faoliyati uchun taqdim etilgan reja haqida hikoya qiladi va bu guruhning diniy guruhdan qanchalik uzoqda ekanini ko‘rsatadi.
Shuningdek, Amerika milliy xavfsizlik agentligining sobiq maslahatchisi Edvard Snouden ham avvalroq IShID rahbari Abu Bakr al-Bag‘dodiy paydo bo‘lishi AQSh, Angliya va Isroil razvedkasi hamkorligi natijasi ekanini tasdiqlagan edi.
Islomga qarshi propagandachilar doimo muqaddas islom dinini IShIDning amallari bilan tenglashtirishga harakat qilgan, lekin IShIDning xatti-harakatlari barcha musulmonlar xatti-harakatlaridan keskin farq qilib, «hech qanday diniy ta’limot namunasi emas».»
