Ehson Arab

Ummatning ulamo va mutafakkirlarini nishonga olish

Robbaniy ulamolar va ummatning ixlosli kishilarini – ya’ni, Payg‘ambar alayhissalomning haqiqiy vorislari va u zotning risolatini ko‘tarib yuruvchilarni – shahid qilish, xavorijlarning eng yovuz maqsadlaridan biri bo‘lib, islom tarixining ilk davrlaridan to hozirgacha ular bu jirkanch amallarida sobit qolganlar.

Hozirgi davr xavorijlari ham o‘z ajdodlarining bu uyatli ishini davom ettirib, harakati boshlangan kundan to bugungacha, ko‘plab robbaniy ulamolarning pok qonini to‘kkanlar.

Bu o‘rtada, ummat musulmonlarni xavorijlarning yovuzligi va fitnalaridan ogoh qilgan, ularga qarshi kurashda oldinda borgan ulamolar, ISHIDning asosiy nishoniga aylangan va ularni yo‘q qilish uchun har qanday nayrang va xiyonatdan foydalanilgan.

Xavorijlarning ulamolar va islom mutafakkirlarini nishonga olishining eng katta sabablaridan biri – bu ulamolarning xavorijlarning zaharli fitnasi haqidagi ogohlantirishlaridir. Chunki tarix davomida aynan ulamolar oddiy xalqni xavorij fitnasidan ogohlantirib kelganlar va ularning islomiy ko‘rinish ortidagi haqiqatni ochib berganlar.

ISHID xavorij ulamolarni nishonga olish orqali, islomiy bilimdan bexabar kishilar va ayniqsa, sodda va his-tuyg‘ularga beriluvchan yoshlar ustidan nazorat o‘rnatib, ularning ongi va qalbini zaharli ta’limotlar bilan zaharlashga harakat qilmoqda.

Shu sababli, bu jirkanch guruh o‘z yovuz maqsadlariga yetish uchun, haq yo‘lda da’vat qiluvchi ulamolarni – ya’ni, zulmat ichidagi yorug‘ chiroqlarga o‘xshagan olimlarni – shahid qilib, islom jamiyatlarida johiliyatni yoyishga intilmoqda.

Shuni unutmaslik kerakki, xavorijlarning bu yovuz harakati kofir dunyo uchun katta xizmat hisoblanadi. Chunki ular ham robbaniy ulamolarning islom jamiyatlarida o‘z yovuz rejalari oldidagi eng mustahkam to‘siq ekanligini bilishadi va bu to‘siqni yo‘q qilish uchun har qanday ishga qo‘l urishadi.

Ammo, xavorijlar va kofir dunyo o‘rtasida muvaffaqiyatliroq bo‘lgan tomon shubhasiz xavorijlarning o‘zidir. Chunki ular aldangan johillarni ongi va yuragini yuvib, ularni “jihod” va “shahodat amaliyoti” nomi bilan aldab, ular tanasiga o‘z joniga qasd qilish uchun belbog‘ bog‘latib, ularni masjid va jamoat joylariga yuborishgan.

Holbuki, kofir dunyo tarix davomida juda katta mablag‘ sarflagan bo‘lsa ham, bunday nozik va aniq operatsiyalarni amalga oshirishga muvaffaq bo‘la olmagan. Bugun esa, ISHID xavorijlar bunday operatsiyalarni hech qanday mukofotsiz va tekin bajarmoqda.

Bunday hujumlarga misol qilib, Afg‘onistonda xavorijlar tomonidan robbaniy ulamolarning shahid qilingani keltirilishi mumkin. Ular faqat yoshlik umrini emas, balki butun hayotini bu diyor xalqini da’vat qilish va to‘g‘ri yo‘lga boshlashga bag‘ishlaganlar. Biroq, yigirma yil davomida ularni bosqinchilar va ularning mahalliy yollanma askarlari yo‘q qila olmagan bo‘lsa-da, xavorijlar ularni osonlikcha nishonga oldi.