Ehson Arab
Bosqinchilarning jinoyatlariga qonuniy tus berish
(ISHID) DAISh xavorijlari o‘zlarining noxush va shubhali paydo bo‘lishlarining boshidanoq “xilofat barpo qilish” va “kofirlarga qarshi jihod” kabi islomiy shiorlar bilan namoyon bo‘lishdi. Ammo juda tez fosh bo‘ldiki, ularning shafqatsiz qilichlari zolimlar va mustakbirlar emas, balki himoyasiz xalqning bo‘yniga urilmoqda.
(ISHID) DAISh xavorijlarini dunyodagi boshqa zolimlardan ajratib turadigan narsa – ularning zo‘ravonlikni namoyish qilish uslubi edi; jinoyatlarini yashirish o‘rniga, ular noislomiy va ba’zida musulmonlarni ham o‘ldirish va boshini kesish jarayonlarini professional kameralar bilan yozib, global tarmoqlarda tarqatardilar.
Bu tasvirlar, islomning buyuk ko‘rsatmalariga mutlaqo zid bo‘lishiga qaramay, aynan G‘arb ommaviy axborot vositalari va bosqinchilar istagan narsa edi.
(ISHID) DAISh videolari yuqori sifatli, aniq va tezlik bilan butun dunyoga tarqaldi; ilgari Iroq, Afg‘oniston va Suriyada bosqinchilik qilayotgan armiya jinoyatlari haqida eshitgan odamlar endi “undan-da katta xavf” bo‘lgan yangicha manzarani ko‘ra boshlashdi. Bu tasvirlar, oddiy odamlarga qarata uylarni bombardimon qilish jinoyatini ham kichik va arzirli qilib ko‘rsatar edi.
Bu jinoyatlar endi “Islom nomi bilan”, o‘zini noo‘rin Islom vakili deb tanitgan guruh tomonidan sodir etilayotgan edi va natijada G‘arb olamida Islomning haqiqiy bo‘lmagan qiyofasi targ‘ib qilinar edi.
(ISHID) DAIShning har bir jinoyati – G‘arb jurnalistlarining boshini kesish, garovdagilarni tiriklayin yoqish kabi – butun dunyo jamoatchiligi nigohida (ISHID) DAISh dahshatini bir necha baravar oshirdi. Ana shu qo‘rquv muhitida bosqinchilar o‘zlarining har qanday hujum va bombardimonini “terrorizmga qarshi kurash” deb atay boshlashdi.
Aynan shu vaqt mobaynida oddiy fuqarolar o‘ldirilsa, qishloqlar yer bilan yakson qilinsa, kechalari uylar vayron qilinsa – bularning barchasi (ISHID) DAIShning qonli sahnalari oldida arzimas va hatto zarur bo‘lib ko‘rina boshladi.
(ISHID) DAISh amalda bosqinchilarning media quroliga aylanishdi va ularning musulmon yurtdagi jinoyatlarini “odatiy” hol sifatida ko‘rsatish uchun xizmat qilishdi.
Ular G‘arbdagi ko‘plabodamlarningbosqinchilarning jinoyatlarini e’tibordanchetdaqoldirib,(ISHID)DAISh vahshiyligiga to‘sqinlik qilish uchun” begunoh odamlarning qurbon bo‘lishini ham “qabul qilishga” tayyor bo‘lishlariga sabab bo‘lishdi.
Aslida esa, bugun(ISHID)DAIShga qarshi kurash qilayotganini da’vo qilayotgan kuchlar kecha aynan shu guruhning paydo bo‘lishi va o‘sishi uchun sharoit yaratgan edilar.
Natijada, (ISHID) DAISh xavorijlari vahshiy chehra, yolg‘on jihod bayrog‘i va dahshatli jinoyat videolari bilan G‘arb qo‘lidagi bir qurol sifatida kofir dunyosiga katta xizmat qilishdi.
Ular shunday holatni yuzaga keltirishdiki, G‘arb jamoatchiligi nazarida bombardimon va bosib olish bosqinchilar uchun “tabiiy haqqa” aylandi, va musulmonlarning har bir tomchi qoni (ISHID) DAIShning tasviriy jinoyatlari soyasida e’tiborsiz va jim o‘tib ketadigan holga keldi.
Haqiqatan ham bu achchiq haqiqat(ISHID) DAISh xavorijlarining asl mohiyatini ochib beradi: ular bosqinchilar qo‘lida o‘z jinoyatlarini oqartirish uchun ishlatilgan bir o‘yinchoqdirlar.
