Muallif: Barkatulloh Daneshvar
Dаsh o‘z faoliyatini Iroqda boshladi va oz-ozdan o‘rgimchak kabi boshqa mamlakatlar va joylarda to‘r to‘qib, uy va in qurdi.
Iroq bir muddat AQSh bosqini ostida edi va harbiy kuchlarining etiklari ostida o‘lim va qiynoqning achchiq ta’mini his qildi. Bu davrda qirg‘in va vayronagarchilik urushlari va insonlar hayotidan ayrilib, nomuslar toptalishi bilan birga, dushman mamlakatning bir butun xalqida diniy qarama-qarshilik va ikki qutblanish siyosatini kengaytirayotgan edi.
Bu harakat natijasida shia va sunniy degan nomlar ostida begunoh odamlarning ikki xil qarashlarga bo‘linishi vujudga keldi.
Hukumatni shialar boshqarib, jamiyatda kamsitish va diniy ekstremizmning kuchayishi, xalqning hukumat tomonidan chetlashtirilishi va quvib chiqarilishi, shuningdek, ko‘plab dahshatli jinoyatlar sodir bo‘lishi natijasida zulmga qarshi chiqish va qasos olish uchun zamin yaratildi.
Shuningdek, g‘irromlar bu loyqa suvdan o‘z foydalarini oldilar va dushmanlar adolat talab qiluvchilar nomi ostida, ayniqsa, sunniy nomidan foydalangan holda jamiyatni bir-biriga qarshi bo‘lgan ekstremist guruhlarga bo‘ldilar.
Dаsh o‘zining ilk paydo bo‘lishida oq maqsadlar bilan, ammo qora bayroq ostida shialardan qasos olishni boshladi va qo‘rqmasdan, jasorat bilan, shafqatsizlarcha keng ko‘lamli qotilliklarni amalga oshirdi.
Iroqda sunniylarga qarshi kamsitishlar asta-sekin ro‘y berayotgan bo‘lsa, bu kamsitishlar vaqti-vaqti bilan ko‘zlar bilan yoshlarni do‘stlashtirgan bo‘lsa, ular bu jarayonlarni qisqa vaqt ichida, ko‘plab qotilliklar bilan va juda katta tezlikda amalga oshirdilar va ishlarini davom ettirdilar, natijada qon seli oqdi.
Dastlab ular butun dunyodan tarafdorlarga ega edilar, ular uchun madhiya o‘qib, kuch va jasoratlari uchun tam-tamlar chalardilar, ammo biroz vaqt o‘tib ma’lum bo‘ldiki, bu nom ostida sodir bo‘layotgan jinoyatlar din yo‘lidan uzoqlashgan va ekstremizm yo‘liga tushib qolgan.
