Junayd Zohid
Yevropa jamiyatida Islomga da’vat qiluvchi kishilarning mavjudligi tufayli Islomning go‘zal qiyofasi yevropaliklarga namoyon bo‘layotgan edi. Shu bilan birga, to‘g‘ri yo‘lda va haqiqatga asoslangan jihodiy harakatlar butun dunyoni ogohlantirib, jihod va Islom insoniyatning saodatidan boshqa narsa emasligini hamda insonni o‘zga insonning zulmidan qutqarishni istashini ko‘rsatib turardi.
Dunyoning turli burchaklarida din va insoniyat dushmanlariga qarshi kurashayotgan jihodiy harakatlar odamlarning qalbida go‘zal tarzda joy egallagan edi.
Ammo G‘arb, ayniqsa, Yevropada Islomning kengayishidan qo‘rqib, bu harakatning oldini olish yo‘lini qidirdi. Ular jamiyatlarda zo‘ravonlik qilib, terror tarqatadigan bir tashkilot tuzishga qaror qilishdi. Shunday guruh paydo bo‘ldiki, u butun vahshiyona faoliyatini Islom va Islomiy qadriyatlar nomi bilan bog‘ladi.
Aslida ISHID G‘arbning bu makkor maqsadi uchun eng yaxshi vosita bo‘ldi. G‘arb uni tashkil etib, kengaytirish va mustahkamlashga kirishdi. Ular qo‘lidagi bilim va resurslardan foydalanib, butun dunyoni larzaga solgan operatsiyalarni amalga oshirdi.
G‘arb ommaviy axborot vositalari har kuni ushbu voqealarni yoritib, ISHID ning Gollivud uslubidagi harakatlarini namoyish qildi. Ular butun dunyoni ishontirishga harakat qildiki, bu zo‘ravonlik va vahshiylik Islomning o‘zidir va kim Islomga kirsa, ISHID kabi yovvoyi shaxsga aylanadi.
Islomning tarqalishidan qo‘rqib, ular Islomga qarshi urush boshladilar. “Terrorizmga qarshi kurash” niqobi ostida Islom mamlakatlariga bostirib kirib, ularning boyliklarini talon-toroj qilishdi.
ISHID G‘arbda Islomofobiya muhitini yaratishda eng zamonaviy va samarali vositalardan biriga aylandi. Uning faoliyati shunchalik kuchli bo‘ldiki, bu olov yillar davomida so‘nmaydi.
Islomning kengayishidan qo‘rqqan G‘arb hech qachon bu muqaddas dinni odamlarning qalbidan sug‘urib tashlay olmaydi, chunki haqiqat har doim o‘z yo‘lini topadi. Ammo ISHID ni yaratish orqali ular odamlarning yuzini haqiqatdan yolg‘onga va o‘zlari to‘qigan uydirmalarga burishga muvaffaq bo‘lishdi.
Biroq, shuni unutmaslik kerakki, Alloh taolo bu dinni O‘zi himoya qiladi va biz Allohning va’dasiga ishonamizki, U zotning dinini yordam berish niyatida jihod va kurash olib borayotgan guruhlar adolat taxtiga o‘tiradilar va ISHID hamda uning sheriklarini o‘z qilmishlari uchun jazolaydilar.
Alloh taolo Qur’oni Karimda ularning makrlarini fosh qilib, shunday deydi: “Ular Allohning nurini o‘chirib yuborishni xohlaydilar, lekin Alloh O‘z nurini mukammal qiladi, hatto kofirlar bundan nafratlansalar ham.”
