Muhammad Vasim Tarin
Respublika barpo etilishidan va AQShning kirib kelishidan avval ham Afg‘onistonni mustamlaka qilish uchun ko‘p urinishlar bo‘lgan. Hatto Sovet Ittifoqining bostirib kirishi davrida ham AQShning kelishiga zamin tayyorlashga harakat qilingan edi.
AQSh buni amalga oshirish uchun iqtisodiy, harbiy, ilmiy, madaniy va siyosiy sohalarda shunday bir tasavvur yaratdiki, butun dunyo har narsada AQShni o‘rnak sifatida qabul qilib, unga ergashdi.
Yillar o‘tdi, 2001-yil keldi va AQSh yangi urushni boshladi. Biroq, bu urush boshqa urushlardan farq qilardi. Ularning shiori shunday edi: onglarni zabt eting, yer o‘zlarida qoladi, yerlarning ozodligi faqat tafakkur zabt etilgandagina ma’no kasb etadi. Ushbu shiorni amalga oshirish uchun ular radio, televideniye, jurnallar, kitoblar va turli saytlar yaratdi hamda ilmiy maskanlarda faoliyat yurita boshladi.
Universitetlardan shunday bir avlodni yetishtirib chiqardiki, ular faqat moddiyatni bilardi, o‘z yo‘nalishlarida nazariy jihatdan o‘qitilgan, ammo hech qanday amaliy ish qila olmaydigan edi. Ular moddiyatga erishish uchun faqat aldov va hiyla ishlatardi. Bu yo‘lda barcha turdagi buzuqlik va fahshliklar uchun imkoniyat yaratildi. Buzuqlikning bir namunasini biz mamlakat zabt etilgach, ko‘rdik: o‘nlab gomoseksuallar mamlakatning obro‘li universitetidan (Afg‘on-Amerika universiteti) qochib ketishdi va ular biz bu maqsadda universitetda vaqt o‘tkazganimizni tan olishdi. Albatta, istisnolar ham bor edi. Ba’zi talabalar kuchli mujohid bo‘lib, bu loyihalarning amalga oshirilishiga qarshi turishdi.
Yillar o‘tdi, bosqinchilar harbiy mag‘lubiyatga uchradi va mag‘lubiyatdan so‘ng qochib ketishdi, ammo bizni oldindan tasavvur qilib bo‘lmaydigan hodisalar bilan yuzma-yuz qoldirishdi, masalan: buzilgan ta’lim dasturi, ushbu ta’lim dasturi orqali yoshlarga yomon tarbiya berilishi, o‘qimishli avlodni Islomning amalga oshirilishiga to‘siq sifatida foydalanish va faqat moddiyat va shahvoniyatni tan oladigan muhit yaratish. Yoshlardagi buzuqlik tufayli ularning jasorati va erkaklik fazilatlari deyarli yo‘q bo‘lib ketdi.
