Suriya xavfsizlik kuchlari Halab shahrida » ISHID «ning bir yashirin joyiga qarshi operatsiya o‘tkazgan. Natijada, ushbu guruhning uch a’zosi o‘ldirilgan va yana to‘rt nafari qo‘lga olingan.
Suriya Ichki ishlar vazirligi ma’lum qilishicha, bu operatsiya shanba kuni Halab shahrida amalga oshirilgan va yashirin joydan qurollar, portlovchi moddalar va bir dona portlovchi jilet topilib musodara qilingan.
E’lon qilingan bayonotda aytilishicha, bu » ISHID » tarmog‘i buzg‘unchilik faoliyatlarida qatnashgan va yana hujumlar uyushtirishni rejalashtirgan.
Shuni ham ta’kidlash joizki, o‘tgan dekabr oyining boshida Bashar Asad rejimi qulaganida, «ISHID» yangi tashkil topgan hukumatga qarshi urushni davom ettirish bilan tahdid qilgan edi. Biroq, bu yangi hukumat kuchlari tomonidan o‘tkazilgan operatsiyalarda guruhning ko‘plab a’zolari yo‘q qilingan yoki qo‘lga olingan.
