Jamil
Barcha ne’matlar zo‘rdir, ammo ba’zi ne’matlar bor, ular boshqa ne’matlarga asos va onalik qiladi. Bu ne’matlar boshqa baxt-saodatlarga ham sabab bo‘ladi. Ibrohim (alayhissalom) Ka’ba uyini qurgandan so‘ng, ushbu muqaddas joy uchun ajoyib duo qildi : « رَبِّ اجْعَلْ هَذَا بَلَدًا آمِنًا » (Baqara surasi, 126-oyat). Tarjima: «Parvardigorim! Bu shaharni xavfsiz qilgin!»
Imom Roziy rahmatullohi alayh o‘zining «Mafotih al-g‘ayb» tafsirida ushbu oyatni sharhlab, shunday degan: bu oyatda Ibrohim (alayhissalom)ning Makka xalqi uchun duo qilgani nazarda tutilgan, ya’ni u yerda xavfsizlik va mo‘l-ko‘l rizq bo‘lishini so‘ragan. Chunki Makka shaharida dehqonchilik, daraxt va o‘simliklar yo‘q edi. Agar u yerda xavfsizlik bo‘lmaganida, uzoq-uzoqlardan odamlar kelmagan va hayot juda qiyin bo‘lib qolgan bo‘lardi.
Shuningdek, Ka’ba mo‘’tabar joy bo‘lgani uchun, faqat xavfsizlik va oziq-ovqat arzon bo‘lgandagina odamlar bu yerga kelishlari mumkin edi. Ushbu oyat va uning tafsiridan shunday xulosa qilish mumkinki, xavfsizlik shunday ne’matki, barcha baxt-saodatlar va boshqa ne’matlar unga bog‘liqdir.
Butun dunyo savdogarlari o‘z sarmoyalarini xavfsizlik darajasi yuqori bo‘lgan davlatlarga sarflaydilar. Xavfsizlik ishchilar va sarmoyadorlarning o‘z yurtlarida qolishiga, iqtisodiy rivojlanish uchun harakat qilishlariga sabab bo‘ladi. Shu sababli hukumatlar o‘z faoliyatlarida xavfsizlikni birinchi o‘ringa qo‘yadilar.
Afg‘onistonda Islomiy Amirlik hokimiyatga kelganidan so‘ng xavfsizlik o‘rnatildi va Afg‘oniston taraqqiyot yo‘lida katta qadamlar tashladi. Ichki va tashqi investorlar jalb qilindi. Har kuni turli sohalarda sarmoya kiritilmoqda. Bu holat Afg‘onistonning ochiq va yashirin dushmanlariga ma’qul emas.
G‘arbliklar Afg‘onistonga hujum qilish orqali katta manfaat ko‘radilar. Shu sababli, bu maqsadga erishish uchun yuz yillik reja tuzadilar. Siyosatchilar g‘arbliklarning rejalariga shunday ta’rif beradilar: «G‘arbliklar agar eshikdan chiqib ketsa, yana derazadan qaytib kiradi.» Afg‘oniston o‘zining strategik ahamiyati tufayli G‘arb uchun juda muhimdir.
Taxminan yarim asrdan beri ko‘rib keldikki, g‘arbliklar turli rejalar orqali Afg‘onistonni bosib olishga urindilar. So‘nggi yigirma yilda ular afg‘on xalqi bilan urushish uchun asossiz va mantiqsiz sabab topdilar. Ammo afg‘onlar Allohga bo‘lgan ishonchlari bilan turgan joylarida dushmanlarga qarshi jihod qildilar va Allohning yordami bilan g‘alabaga erishdilar. Natijada, amerikaliklar mamlakatdan chiqarib yuborildi.
Endilikda amerikaliklar mag‘lubiyatga uchradilar va eshikdan chiqib ketganlaridan keyin, yana derazadan qaytib kirish uchun urinmoqdalar. Ular Afg‘onistonda mavjud xavfsizlikni «IShID loyihasi» orqali buzishga harakat qilmoqdalar. Agar ushbu fitna amalga oshsa, Alloh saqlasin, Afg‘onistonning xavfsizligi xavf ostida qoladi va unga bog‘liq bo‘lgan barcha ne’matlar salbiy o‘zgarishga uchrashi mumkin.
