Junayd
O‘tgan zamonlarda Islom hech qachon bugungi kabi ichki tahdidlar bilan yuzma-yuz bo‘lmagan edi. Shuning uchun, bizga vojib bo‘ladiki, bu tahdidlarga qarshi javob beraylik – bu javob aqlga va mantiqqa tayangan bo‘lishi kerak. ISHID (ISIS) mafkurasi murakkab mantiq tizimiga asoslangan bo‘lib, muqaddas matnlarni ularning mantiqiy va lafziy kontekstidan ajratadi. Bu mafkura, shuningdek, buzuq tafakkur egalari tomonidan o‘ylab topilgan poydevorsiz bahonalar asosida qurilgan.
ISHID da’volarining botilligini ko‘rsatib beradigan juda ko‘p dalillar mavjud. Ularning Shariatga munosabatini fosh qiluvchi bu dalillar oddiy o‘quvchi uchun oson tushunilmaydi, chunki bu dalillar muayyan matnlarda yashiringan. Shu sababli, biz oddiy xalq tushunadigan tarzda Ahl as-Sunnahning ISHID va ularning vahshiyliklariga nisbatan tutgan pozitsiyasini aniq izohlaganmiz.
Bizning bu javobimiz nafaqat DAISHning kuchsiz da’volarini rad etishga qaratilgan, balki dalillarga tayangan holda, ularning diniy maqomi va soxta “xalifalik” tuzumini tahlil qilib, bu davlat “islomiy” emasligini isbotlashdir. Bu guruh buzuq, jinoyatchilar va G‘arb davlatlari tomonidan yaratilgan bir harakatdir – u nafrat, zo‘ravonlik va hokimiyatga chanqoqlik urug‘ini sochmoqda va o‘z maqsadlariga erishish uchun faqatgina Islomdan niqob sifatida foydalanmoqda.
Bu haqiqatni yoritish yo‘lida biz quyidagi toifalarni hisobga olgan holda javob tayyorladik:
Birinchidan: ISHID targ‘ibotining ta’siriga tushib qolgan, ammo ularning da’volariga qarshi yetarli shar’iy javob topa olmayotgan musulmon yoshlari uchun.
Ikkinchidan: ISHID tomonidan ko‘tarilgan diniy va fiqhiy muammolarga javob izlayotgan musulmonlar uchun.
Uchinchidan: Endigina ISHIDsafiga qo‘shilmoqchi bo‘layotgan yoshlarga – ularga bu guruh Islomdan og‘ishgan, yetakchisiga bay’at qilish esa asossiz ekanligini tushuntirish uchun.
To‘rtinchidan: ISHIDga qarshi urushda halok bo‘lish shahidlikmi yoki yo‘qmi, degan masalada shubhada qolgan musulmon birodarlar uchun. Biz inshaalloh, kelgusi qismlarda bu masalani aniq tushuntirib, ISHIDga qarshi kurash diniy jihatdan vojib urush ekanini isbotlab beramiz.
