Muallif: Ehson Arab
Musulmonlarga qarshi razvedka va kuzatuv loyihalarini kuchaytirish
DAISh(ISHID) deb nomlangan hodisa nafaqat islom olami uchun insoniy va diniy fojia bo‘ldi balki kufr dunyosi uchun ham terrorizmga qarshi kurash bahonasida musulmonlarga qarshi yanada kengroq xavfsizlik va kuzatuv loyihalarini kuchaytirish uchun qulay zamin yaratdi.
Garchi bu jirkanch guruh islomiy shiorlar bilan yuzaga chiqqan bo‘lsa-da, uning faoliyati tuzilmasi va oqibatlari har narsadan ko‘proq G‘arb razvedka loyihalarining manfaatlariga xizmat qildi.
DAISh(ISHID) xavorijlar ongli yoki ongsiz ravishda keng ko‘lamli josuslik, harbiy aralashuvlar islomga qarshi qonunlarning paydo bo‘lishi va dunyoda islomdan qo‘rqitish (islomofobiya) muhitining kengayishi uchun eng asosiy bahonani taqdim etdilar.
Shubhasiz DAISh(ISHID) paydo bo‘lgandan so‘ng, ayniqsa AQSh va Yevropada G‘arb razvedka idoralari yangi va misli ko‘rilmagan qonunlarni qabul qilib, millionlab musulmonlarning shaxsiy hayotini nazorat ostiga olishga muvaffaq bo‘ldilar.
Masalan:
AQShda Patriot Act qonuni 11-sentabr voqealaridan keyin qabul qilingan edi biroq hech kimga sir emaski (ISHID)DAIShning paydo bo‘lishi bilan bu qonun yanada kengaytirildi va uning asoslari kuchaytirildi hamda yangi asoslar topildi.
Yevropada esa PRISM Tempora XKeyscore kabi razvedka loyihalari hamda aeroportlar va jamoat joylarida yuzni aniqlash tizimlari kengaytirildi. Ularning asosiy maqsadi masjidlar islomiy markazlar va musulmon faollarini keng miqyosda nazorat qilish edi.
Sun’iy intellekdan internet makonida islomiy qarashlarni aniqlash uchun foydalanish,(ISHID) DAIShning YouTube Telegram va Twitter kabi platformalardagi onlayn faoliyatidan so‘ng keskin kuchaydi.
(ISHID)DAIShning paydo bo‘lishi agar islomiy mamlakatlar ichida keng vayronkorlik keltirib chiqargan bo‘lsa tashqarida ham G‘arb mamlakatlarida musulmonlarga qarshi yangi cheklovchi qonunlar to‘lqinini olib keldi.
G‘arb davlatlari (ISHID)DAIShning soxta tahdidlariga tayanib, islomiy libos, diniy faoliyatlar va hatto islomiy ta’limni ham cheklovchi qonunlar qabul qildilar:
Shu davrda Fransiyada maktablarda hijobni taqiqlash va masjidlar qurilishini cheklash ekstremizmga qarshi kurash bahonasida asoslandi.
Germaniyada imomlar, diniy markazlar va hatto musulmon oilalar ustidan yanada kuchli nazorat o‘rnatildi.
Angliyada esa Prevent oldini olish kabi dasturlar ekstremizmga qarshi kurash bahonasida musulmon bolalarini ham nazorat ostiga oldi.
Bularning barchasi Iroq va Suriyadagi DAISh(ISHID) faoliyatlariga asoslanib amalga oshirildi, holbuki aksariyat musulmonlar bu guruhdan ochiqchasiga yuz o‘girgan edilar.
Davomi bor…
