Rafiq Tasel
Agar qo‘shni yoki mintaqada biror mamlakatning xavfsizligi xalqi birodarligi va farovonligiga tahdid soluvchi buzg‘unchi unsurlar hamda guruhlar mavjud bo‘lsa, bunday ehtimoliy tahdidlarga duch kelayotgan davlat, xuddi Afg‘oniston Islom Amirligi kabi ushbu tahdidlarni bartaraf etish maqsadida Pokiston harbiy rejimining hududiy chegaralarini buzib, u yerda joylashgan buzg‘unchi unsurlar va tarmoqlarni nishonga olishga majbur bo‘ladi.
Pokiston harbiy rejimi tomonidan Afg‘oniston qo‘shnichiligida tahdid soluvchi va zarar yetkazuvchi guruhlarni tarbiyalash hamda qo‘llab-quvvatlash Islom Amirligi uchun hech qachon qabul qilib bo‘ladigan yoki ko‘z yumiladigan holat emas. Ushbu rejim bir necha bor IShID loyihasidan o‘zining razvedka maqsadlari yo‘lida foydalangan. Holbuki, Afg‘oniston Islom Amirligi bir necha bor xalqaro hamjamiyatni, siyosatchilarni va Pokiston siyosiy partiyalarini ushbu hodisaning xavfi haqida ogohlantirib, Pokiston hududidan endilikda Afg‘onistonga qarshi foydalanilmasligi hamda Afg‘oniston xavfsizligi va ichki vaziyati IShID va boshqa loyihalar nomi ostida tahdid ostiga qo‘yilmasligi kerakligini ta’kidlagan edi. Ammo Pokiston rejimining sukuti va ayni noto‘g‘ri siyosatni takrorlashi bizni o‘z yurtimiz va davlatimiz dushmanlariga qarshi bevosita harakat qilishga hamda ularga qarshi qat’iy amaliyot o‘tkazishga majbur qildi.
Pokiston rejimi tomonidan IShID ni Afg‘onistonga va umuman mintaqaga qarshi tayyorlash hamda qo‘llab-quvvatlash ushbu harbiy rejimning Afg‘oniston va mintaqa davlatlariga nisbatan ezgu niyatga ega emasligini yaqqol ko‘rsatadi. Aksincha u nifoq va buzg‘unchilikka asoslangan yondashuv bilan mintaqa xavfsizligi va barqarorligini nishonga olgan hamda amalda urush va beqarorlik xavfini Afg‘oniston va butun mintaqa mamlakatlari uchun yuzaga keltirgan. Chunki IShID ni tarbiyalash va qo‘llab-quvvatlash Afg‘oniston hamda boshqa mintaqa davlatlariga zarar va beqarorlik yetkazishga urinishdan boshqa narsa emas.
Afg‘oniston Islom Amirligi tomonidan Pokiston rejimi havo hududining ma’lum qismida amalga oshirilgan havo va dron zarbalari Afg‘oniston hamda mintaqa uchun umumiy tahdidlarni yo‘q qilish maqsadini ko‘zlagan bo‘lib bu nafaqat Islom Amirligining ehtimoliy tahdidlarga qarshi qat’iy pozitsiyasi va mustahkam irodasini namoyon etadi, balki Pokiston harbiy rejimiga ochiq ogohlantirish hamdir. Ya’ni, bunday buzg‘unchi unsurlarni yana tayyorlash va Pokiston hududidan Afg‘onistonga qarshi foydalanish kelgusida bundan ham og‘irroq oqibatlar hamda yanada keskin javob choralariga sabab bo‘ladi va buning to‘liq mas’uliyati Pokiston rejimi zimmasida bo‘ladi.
Agar Pokistonning amaldagi rejimi va unga aloqador doiralar qo‘shnichilik tamoyillari hamda Afg‘oniston Islom Amirligi hududiy suverenitetining hurmati va qadriyatlarini e’tiborsiz qoldirib IShID mahalliy arbakiylar va muxolif jabhalarni qo‘llab-quvvatlash hamda tayyorlashni davom ettirsalar Afg‘oniston Islom Amirligi bunday harakatlar va oqimlarga qarshi, ular qayerda bo‘lishidan qat’i nazar, bugungidek ehtimoliy tahdidlarni bartaraf etish uchun kuchli, qat’iy va javob zarbalarini amalga oshirishga majbur bo‘ladi.
Agar rejim va unga aloqador doiralar yana ham ushbu tahdidlarga nisbatan sukut saqlab, bu xiyonat va noto‘g‘ri siyosatdan voz kechmasalar, Afg‘oniston Islom Amirligi bugungi pozitsiyasidan ham jiddiyroq, qat’iyroq va kengroq choralarni takrorlaydi. Shu sababli Pokiston harbiy rejimi o‘zining tahdid soluvchi va zararli harakatlarini oqlash o‘rniga, ularning takrorlanishiga yo‘l qo‘ymaslik siyosatini o‘zi uchun foydali deb bilishi lozim. Aks holda kelajakda Afg‘oniston Islom Amirligi yana shunday tarixiy amaliyotlarni takrorlashga majbur bo‘lishi mumkin.
