Suriyada bir qator qo‘mondonlar ISHID ga qarshi jangga kirishdilar, shu sababli ular Asad rejimiga qarshi jihod qilishni tark etdilar va natijada ularning ayrimlari shahid bo‘lishdi. Xuddi shuningdek, ayrim musulmon mamlakatlar ham bu yomon va xavfli guruhga qarshi jihod e’lon qildilar.
Faqat suriyaliklar emas, balki boshqa arab xalqlari ham bu jang hukmi haqida savollar bilan yuzlashdilar, ayniqsa bu g‘arbparast guruhga qarshi kurashda o‘lgan kishilar haqida: ular shahid sanaladimi yo‘qmi?
Bir muddat ISHID ga qarshi urushda qatnashgan uchuvchilar haqida bahslar bo‘ldi, ammo bu masalada mashhur ulamolarning aksariyati aniq hukm chiqarishda ikkilanayotgan edi; hatto ba’zilar ISHID ga qarshi kurashda o‘lganlarni shahid deb hisoblamasdi. Bu biz qat’iy rad etadigan bir pozitsiyadir.
Ko‘plab odamlar bu botil guruhning islom nomidan qilayotgan jinoyatlari haqida savollar bermoqdalar. Bundan tashqari, ba’zi musulmon bo‘lmaganlar ham sunniy islomning ISHID ga munosabati haqida savol bermoqdalar, ayniqsa ISHID tarafdorlarining noto‘g‘ri tarzda «sunniy musulmon» deb tasniflanishi umumiy fikrlarga ham ta’sir ko‘rsatgan bir paytda. Odamlar aniq tushuntirishni istamoqdalar: islom ISHID ning fikrlari va amallarini qay darajada ifodalaydi?
Bu tushuntirish ayniqsa shuning uchun muhimki, ba’zi g‘arbiy ommaviy axborot vositalari ushbu imkoniyatdan foydalanib, ISHID mafkurasidan musulmonlarning asosiy yo‘lini noto‘g‘ri ko‘rsatish uchun vosita sifatida foydalanmoqdalar. Bu yondashuvning mashhur misollaridan biri – «Fox News» yangiliklar tarmog‘idir.
G‘arbiy ommaviy axborot vositalari ISHID ning fatvolari, pozitsiyalari va jinoyatlaridan bir qator asosan yaramaydigan materiallarni topganlar va shu orqali g‘arb aholisi orasida islomdan qo‘rqish (islamofobiya) ni tarqatmoqdalar. Holbuki, islom bu muborak din bo‘lib, u yerda kundan-kunga rivojlanmoqda va har kuni tobora ko‘proq odamlar unga qiziqish bildirmoqda.
Biz, inshaalloh, jamiyatga xavorijlar, xususan ISHID ga qarshi urushning shariatdagi hukmini bayon qilamiz. Aniq va metodik dalillarga asoslangan holda biz bu buzg‘unchi guruhning barcha amallari shariatga butunlay zid ekanligini va ularning xalifalik da’volari ham asossiz ekanligini aniqladik. Shuning uchun mintaqa xalqlariga bu g‘arazli va g‘arbparast guruhni yer yuzidan tozalash uchun ular bilan jang qilish vojibdir.
