G’iyosuddin G’ori
Bu guruhning bo‘linishlari, ummatga qarshi tahdid va xorijiylarning jinoyatlari ularning buzilgan va fasodga yo‘g‘rilgan e’tiqodlari natijasidir. Shu sababdan, ahl as-sunna val-jamoa va musulmon xalq orasida ularga nisbatan nafrat kuchaygan va nihoyat bu harakat mag‘lubiyatga uchragan. Chunki tarix davomida ular musulmonlarning qonini to‘kishdan aslo tiyilmagan, hattoki Islom dushmanlariga nisbatan ham ko‘plab zulm va yovuzliklarni amalga oshirishgan.
Bu guruhning eng yorqin belgilaridan biri takfir (boshqalarni kofir deb e’lon qilish)dir. Ular avvalo ixtilof va adovatni aqidaviy masalaga aylantiradi, so‘ngra musulmonlarning birligini buzish va nomini bulg‘ash maqsadida ularni takfir qiladi yoki ularning e’tiqodiga shubha soladi.
Xavorijlar o‘tmishda va tarix davomida manfaat va zararning to‘g‘ri bahosini bera olmaganlari, tor fikrligi va johilligi sababli ummat orasida nizolar va bo‘linishlarga sabab bo‘lishgan. Shu bois ular eng adashgan guruhlar qatoriga kiradi.
Bu yo‘ldan ozgan firqa foyda va zarar o‘rtasidagi farqni ajrata olmaydi, tor dunyoqarashga ega bo‘lib, o‘z harakatlarining oqibatini hisobga olmaydi. Ularning diniy matnlardan tushunchasi yuzaki va buzilgan, haqiqatni anglashdan yiroqdirlar. Shu sababli ular eng katta xizmatni Islom dushmanlariga qilib kelishgan biz bugungi kunda bunga o‘z ko‘zimiz bilan guvohmiz. ISHID kabi xorijiy guruhlarning paydo bo‘lishi Amerika, Isroil va boshqa Islom dushmanlari uchun quvonch va g‘alaba bo‘ldi.
Zamonaviy davrda Islom dushmanlari aynan mana shu Xavorij ISHID orqali musulmonlarga eng og‘ir zarbalarni berib, Islomni badnom qilish va ummatni bo‘lish uchun samarali yo‘l topishdi. Abu G‘rayb qamoqxonasida Amerika nafaqat mahbuslarga shafqatsiz azoblar berdi, balki ularning ongini takfir g‘oyasiga yo‘naltirish maqsadida “fikriy tahlil”lardan o‘tkazdi va natijada bu odamlarni o‘z yovuz maqsadlariga xizmat qildirdi.
2013-yilda Abu Bakr al-Bag‘dodiy ushbu guruhning rahbari sifatida tanlangach, yillar davomida kofirlar, bosqinchilar va mustamlakachilarga qarshi jihod qilgan, butun islom olami tomonidan qo‘llab-quvvatlangan mujohidlarni takfir qildi, ularni murtad deb e’lon qildi va ularga qarshi jihod boshladi.
Xulosa shuki, bu adashgan va yo‘ldan ozgan guruh ISHID Xavorijlari paydo bo‘lganidan beri Islom ummati yana bir bor og‘ir zarbalar, parchalanish va nizolarga duchor bo‘ldi. Ayniqsa mujohidlar, xususan Iroq va Shomdagi jangchilar, tarixda hech qachon bo‘lmagandek, o‘zini musulmon deb ataganlar tomonidan eng katta talofatni ko‘rishdi.
