Doktor Farhon Bojuri
Pokistonning harbiy rejimi Islom nomini niqob qilib olgan, ammo aynan shu muqaddas nom bilan musulmon ummatining yaralariga tuz sepmoqda. U Islom nomi ostida qo‘lga kiritgan obro‘ va imkoniyatlarni endi o‘sha Islomning ildizlariga qarshi qurol sifatida ishlatmoqda. Oddiy musulmonlar, siyosatchilar va butun Islom olami bilmog‘i lozim: bugungi Pokiston hukumati ya’ni harbiy rejim va ISI turli niqoblar ostida Islomni ichidan yemirmoqda. Bu safar esa ular Islom dushmanlari bilan ya’ni Isroilning sionistik markazlari bilan aloqaga kirishib, Netanyaxu boshchiligidagi Tel-Avivga maxfiy safar uyushtirdilar.
Bu safar Islomga, musulmonlarga, birinchi qibla Baytul Muqaddasga, hamda G‘azodagi ayol va bolalarning qoniga ochiqchasiga xiyonatdir.
Xalqaro manbalarga xususan Al Jazeera va The Independent Urdu nashrlariga ko‘ra 2025 yil 19 mart sanasida Israel Hayom gazetasi xabar bergan: Pokiston hukumatining bir guruh tadqiqotchilari yashirin ravishda Tel-Avivga safar qilgan. Ular Isroil razvedka idoralari va davlat tuzilmalari bilan uchrashgan, so‘ngra Isroil tomonidan bosib olingan muqaddas joylarga Masjid al-Aqso, Nova festivali joyi, Yad Vashem, Knesset, Baytul Muqaddas devori, Tel-Aviv va Sderot shaharlariga tashrif buyurganlar.
Al Jazeera’ning tahliliy hisobotida yozilishicha, bu safarning barcha tafsilotlari Sharka deb ataluvchi Isroil institutı tomonidan maxfiy tarzda tashkil etilgan. Mazkur tashkilot Isroil bilan Osiyo davlatlari o‘rtasidagi aloqalarni kuchaytirish maqsadida faoliyat yuritadi. Delegatsiyaning asl maqsadi esa Isroilning sionistik tuzumi bilan Pokiston harbiy rejimi o‘rtasidagi aloqalarni mustahkamlash bo‘lgan.
Bugun mamlakatni qo‘lida ushlab turgan harbiy kuchlar Isroil bilan tobora yaqinlashib bormoqda. Bu maxfiy uchrashuvlar qat’iy sir tutilgan, ammo ba’zi tafsilotlar sirtga chiqib, xalqning, ayniqsa pokistonlik jihodchi va ongli musulmonlarning g‘azabiga sabab bo‘ldi. Hozirgi sharoitda, so‘z va matbuot erkinligi armiyaning po‘lat panjasida bo‘lganligi sabab, bu voqea keng yoritilmayapti. Biz esa bu yerda haqiqatni ochib, musulmon xalqni hushyorlikka chaqiramiz.
Sionistik rejim va Pokiston harbiy tizimining mushtarak maqsadlari
- Hududiy va siyosiy kengayish:
Isroil o‘zining Buyuk Isroil g‘oyasini amalga oshirish, o‘z zulmini qonuniy ko‘rsatish uchun yangi ittifoqchilar izlamoqda. U Pokiston kabi bog‘liq, avtoritar va mustamlakaparast rejimlarni o‘z orbitasiga tortmoqchi.
- Sionizm mafkurasining yoyilishi:
Isroil sionistik mafkurani Osiyoga, ayniqsa musulmon aholisi ko‘p bo‘lgan Pokistonga singdirmoqchi. Maqsad Isroil davlatining mavjudligini haqqoniy ko‘rsatish va xalq noroziligini sustlashtirish.
- G‘azo fojeasini oqlash:
Isroil Pokiston kabi davlatlarni o‘z tomoniga og‘dirib, G‘azodagi jinoyatlarini xalqaro maydonda haq sifatida ko‘rsatmoqchi.
- Inqirozdan chiqish uchun savdo:
Pokiston harbiy rejimi og‘ir iqtisodiy va siyosiy bosim ostida. Cho‘kayotgan kishi somon ushlaydi misolidek, ular o‘zini qutqarish uchun sionistik Isroilning yordamini izlamoqda.
- Zulmni mustahkamlash:
Harbiy rejim Isroil bilan texnik va moliyaviy hamkorlik o‘rnatib, o‘zining zulm va vahshatini kuchaytirishga urinmoqda turgan-bitgani zulmga qurilgan tizimga o‘xshab.
- Qo‘shma Shtatlar bilan yaqinlashish:
Isroil ko‘prigi orqali Pokiston AQShga yaqinlashib, yangi qurol, tank va harbiy mablag‘ olish niyatida. Bu esa xalqni yanada bosim ostiga oladi.
- Anti-Isroil kuchlarni yo‘q qilish:
Rejim mintaqadagi Isroilga qarshi faoliyat yuritayotgan shaxslarni nishonga olib, ularni yo‘q qilishni maqsad qilgan bu haqda ayrim manbalar xabar bergan.
Bu maqsadlarning barchasi bir haqiqatni ochib beradi:
Pokiston harbiy rejimi Islomga emas, uni yo‘q qilishga xizmat qilmoqda.
Ular musulmon xalqlarini bo‘ysundirish, Islomiy qadriyatlarni ildizidan sug‘urib tashlash uchun ishlamoqda. Bugun Pokiston xalqining bilishi lozimki ularning rejimi sotilgan, mintaqadagi xorijiy kuchlarning irodasini bajaruvchi ijro markaziga aylangan.
Isroil bilan iliq aloqalar o‘rnatilishi bilan, o‘tgan yetmish yil davomida xalqni aldab kelgan yolg‘onlar ochildi.
Harbiy rejim yuz minglab G‘azo bolalari, ayollari va shahidlarning qoniga qanday javob beradi?
Isroilning zulmi ostida ezilayotgan G‘azo xalqi yordamga muhtoj bo‘lgan bir paytda, Pokiston rejimi ularning qotillari bilan bir dasturxon atrofida o‘tiribdi, do‘stlik rishtalari bog‘lamoqda va ularning fitnalariga sherik bo‘lmoqda.
Ey Pokistonning g‘ururli xalqı!
Uyg‘oning! Pardalar ortida nimalar kechayotganini anglang.
Sizning armiyangiz, sizning razvedkangiz o‘zini, hatto sizning jon-u vujudlaringizni ham savdoga qo‘ygan.
Bu botil yo‘ldan yuz o‘giring, haq yo‘lga qayting, adolat tarafida turing.
Haqq har doim g‘olibdir, botil esa baribir yemiriladi.
