Afg‘oniston Islomiy Amirligi mas’ullari oldenroq Al-Mirsadning ko‘p marotaba bergan xabarlarini tasdiqlab, xavorij Xuroson Pokistonda ta’lim markazlariga ega ekanini, jangarilarini o‘sha yerda tayyorlab, so‘ng ularni jumladan Afg‘onistonga va mintaqaning boshqa davlatlarga yuborishini bildirgan edi.
Yaqinda Pokiston armiyasi targ‘ibot tizimiga aloqador bo‘lgan bir ommaviy axborot vositasi terrorizmga qarshi kurash boshqarmasi manbalariga tayanib, ISHID Peshovar shahri va atrofidagi hududlarda o‘zining intihorchilar uchun ta’lim lagerlariga ega ekanini, jangarilarini o‘sha yerda tayyorlashini tasdiqladi.
“Xaybar Chronicles” nomli nashr o‘z xabarida shu ta’lim lagerlarida ISHID ning ayrim a’zolariga Pokiston siyosatchilariga va boshqa nishonlarga qarshi hujumlar uyushtirish vazifasi topshirilganini qo‘shimcha qildi. (Al-Mirsad o‘tgan oktabr oyida ISHID ning Pokistonda taniqli diniy va siyosiy shaxslarni, hamda Pokiston rejimining muxoliflarini o‘ldirishni rejalashtirayotgani haqida xabar bergan edi).
“Xaybar Chronicles” ushbu ma’lumotlarni Peshovarda uch nafar ISHID a’zosi qo‘lga olingani haqida tayyorlangan hisobotda e’lon qilgan.
Mazkur ommaviy axborot vositasi Pokiston armiyasi axborot bo‘limi (ISPR) va xavfsizlik idorasi bilan yaqin aloqaga ega bo‘lib, uning moliyaviy ta’minoti ham shu idoralar tomonidan amalga oshiriladi. Nomidan ham ma’lumki, ushbu ommaviy axborot vositasi asosan Xaybar-Paxtunxva va qabila hududlarining siyosiy va xavfsizlik masalalariga e’tibor qaratadi. ISPR tomonidan qo‘llab-quvvatlanadigan boshqa manbalar kabi, bu nashr ham faqatgina armiyaning pozitsiyalarini o‘z veb-sayti va ijtimoiy tarmoqdagi akkauntlari orqali bilvosita yoritadi va boshqa faoliyat bilan shug‘ullanmaydi.
